RUT 4:6 - BIBEL JAMITA NA DENGGAN

⁶ Dialusi bayo i ma, “Antong anggo songon i do, hupalua ma hakku laho manobusi tano i. Harana muda hutobusi i, laing na so pomparanku do hape nampuna i. Dumenggan ma ho manobusi i, ulang au.”

RUT 4:6 Iomraidhean Croise

PAMUNGKAAN 38:8

Dung i didok si Juda ma tu si Onan, anggi ni si Er, “Patuginjang ma da angkangmu na nitadingkon ni si Er jana rap ma hamu modom. Gohi ma na patut baenonmu tusia, dibaen anggi ni halaklahinia do ho; jadi muda songon i gabe adong ma pomparan ni angkangmi.”

HAMALIMON 25:25

Muda gabe miskin sada halak Israel, gabe tarpaksa angkon gadisonnia tanonia, angkon tobusan ni sisolkotnia na sumolkot do tano i.

PANGARATAION 25:7

Tapi muda nada ra anggina i mambuat tading-tadingan ni mandiang i, angkon kehe do anak boru i tu harbangan ni kota paboahon tu angka hatobangon ni kota jana dokkononnia ma, ‘Nada ra anggi ni halaklahingku na jumolo i patupahon na patut baenonnia tu au. Digagai ia do laho mangalehen sada pomparan di tonga-tonga ni bangso Israel.’

PANGARATAION 25:8

Jadi angkon piohonon ni angka hatobangon ni kota i ma bayo i anso mangkobari dohot ia. Muda laing nada ra ia marripehon anak boru i,

PANGARATAION 25:9

angkon padonohon ni tading-tadingan ni angkangnia ma tusia di jolo ni angka hatobangon ni kota i, sintahonna ma sada sandal ni bayo i, tijuranna bohina i jana dokkononna ma, ‘On ma sitaonon ni jolma na so ra mangalehen pomparan di kahanggina.’

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 3:13

Di borngin on, laing tinggal ma ho dison; ancogot ma tasihiri betak na ra do ia padalan tanggung jawabna i maradopkon ho, sanga nada. Muda ra do ia antong, denggan; tapi muda nada ra ia, marjanji ma au mangasahon Debata na mangolu i bahaso na padalanonku tanggung jawab i. Antong, saonnari laing modom dison ma ho lopus manyogot.”

RUT 3:9

“Ise dehe ho,” ning ia marsapa. “Si Rut do au, amang!” ninna si Rut mangalusi. “Kahangginami na solkot do ho amang, angkon martanggung jawab do ho di ngolungku. Jadi tama do buatonmu au antong gabe ripemu.”