RUT 4:10 - BIBEL JAMITA NA DENGGAN

¹⁰ Jana tamba ni i, hubuat muse ma si Rut, boru Moab, tinggal-tinggalan ni si Mahlon i gabe dadaborungku. Jadi dung songon i laing hot ma tano i gabe nampuna ni sisolkot ni na dung monding i. Jana pomparannia pe laing tongtong adong di tonga-tonga ni koum sisolkotna dohot di kota bona buluna. Ingot hamu ma, na gabe saksina ma hamu sadari on.”

RUT 4:10 Iomraidhean Croise

PAMUNGKAAN 29:27

Painte ma jolo sidung pesta parbagasonmu na pitu ari on, dung i hulehen pe di ho dohot si Rahel – asal ma laing ra ho markarejo di au pitu taon nari,” ning ia.

PAMUNGKAAN 38:9

Tapi diboto si Onan do, na so ia puna angka dakdanakna i muse. Jadi, ganop marcampur ia dohot tinggal-tinggalan ni angkangnia i, sai dipadiar ia do sampak tu tano samenia i anso ulang adong pomparan di angkangnia i.

MASMUR 109:15

Sai diingot Tuhan ma tongtong dosa ni halahi, anso ulang adong na mangingot halahi di tano on.

MASMUR 34:16

Hape anggo halak na jahat, dialo Ia; dung mate, tibu-tibu halahi lupa sian roha.

PODA 18:22

Halak na dapotan boru, mandapot hauntungan; i ma na patuduhon bahaso tusia jop ni roha ni Tuhan.

PODA 19:14

Bagas dohot sinadongan na bolas dapot do i sian ama ina, tapi dadaboru na marroha hum sian Tuhan do dapotna.

JESAYA 48:19

Angke pomparanmu angkon songon horsik, jana turunanmu songon horsik bahatna; goar ni halahi nada diagohon sanga diparsoada sian jolongKu.”

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

HOSEA 3:2

Jadi hutobusi ma ia di au, hulehen ma lima bolas hepeng perak songon tobusna dohot 150 kilogram bajaure.

ZAKARIA 13:2

Di ari i, sesaonKu ma angka gana-ganaan i sian tano on, lopus nada adong be umpe sahalak marningotsa. SoadahononKu ma hagiot laho marsomba gana-ganaan. Sude jolma na mangoKu dirina panurirang, paorotonKu.

MALEAKI 2:14

Sapa-sapa hamu sanga hara ni aha umbaen na so dijagit Ia angka haulmunu. Anggo dalanna i ma hara ni na niboto ni Tuhan do na manguba janji hamu dohot dadaborumunu na dibuatmunu taran di haposoonmu. Anak boru i ma dongamunu sahangoluan, hape diose hamu do janjimunu tusia. Haru pe na dung marsumpa hamunu di jolo ni Debata mandok tongtong burju ho tusia.

EPESUS 5:25

Hamu angka halaklahi, haholongi hamu ma dadaborumunu be, laing songon pangkaholongi ni Kristus di parlagutan i jana dilehen Ia do gabe haul diriNia hara ni parlagutan i.

PANGARATAION 25:6

Anak siangkaan ni halahi etongon ma i gabe songon anak ni na jumolo monding i anso adong pomparannia di tonga-tonga ni bangso Israel.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”

RUT 4:9

Jadi didok si Boas ma tu angka hatobangon dohot tu sude halak na deba nari na adong disi, “Sadari on hamu ma sudena na gabe saksi bahaso na dung hutobusi sian si Naomi sude sinadongan ni si Elimelek dohot angka dakdanaknia, i ma si Kilion dohot si Mahlon.