RUT 4:1 - BIBEL JAMITA NA DENGGAN

¹ Jadi kehe ma si Boas tu inganan parsuo-suoan di pintu horbangan ni kota i. Dung juguk ia disi, mamolus ma bayo na nidok ni si Boas kahanggi ni si Elimelek na sumolkot. Jadi dipio si Boas ma ia, “Ro jolo tuson kahanggingku, juguk dison!” Ro ma bayo i lalu juguk.

RUT 4:1 Iomraidhean Croise

PAMUNGKAAN 19:1

Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

PAMUNGKAAN 23:10

Jadi laing dohot do si Efron rap dohot angka halak Het i juguk di inganan pangkataion na di horbangan ni kota i. Jadi sude ma halak na adong disi umbege alusnia,

PAMUNGKAAN 34:20

Dung i kehe ma si Hemor dohot si Sikem tu inganan parrapotan di horbangan ni kota i, jana mandok hata ma halahi tu halak kota i songon on,

2 SAMUEL 15:2

Ganop ari disi ngot manyogot jongjong ma si Absalom di topi dalan na di lambung ni pintu horbangan ni bagas godang i. Sandok halak na giot mangaduhon parkaro tu raja i, dipio si Absalom jolo jana disapai ia, “Sian marga dia do ho?” Jana muda dialusi halakna i, ‘Sian marga on sanga marga i,’

2 JUJUR TAON 18:9

Marpakean hasangapan do si Ahab dohot si Josafat di hatiha i, juguk di ginjang ni karosi harajaan di inganan pardegean ni gandum di jolo ni pintu horbangan ni Samaria. Marroan ma sude panurirang i laho palaluhon ramalanna be.

JOB 29:7

Muda rap juguk angka na tobang-tobang ni kota i, jana hubuat ma juguhanku di tonga-tonga ni halahi,

JOB 31:21

Muda jungada ma hutipu na so marama, hara ni na marpos roha monang parkaro iba,

MASMUR 69:12

Gabe sihata-hataan ma au di parluhutan ni halak, diendehon angka parmabuk ma salaho tu iba.

PODA 31:23

Halaklahina pe tarbarita; sada pamimpin di kota.

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

JEREMIA 32:10

Hupio ma angka saksi jana huteken ma di jolo ni halahi surat jual ni tano i, jana hubaen ma segelna jana hutimbang ma hepeng perak i dohot timbangan.

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

ZAKARIA 2:6

Aha dope, marlojong ma hamu sian tano na di Utara, ninna Tuhan, harana madung Hupaserak hamu adop opat haroro ni alogo, ninna Tuhan.

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

PANGARATAION 17:5

angkon toguon do parjahat i tu balian ni kota jana nidangguran dohot batu lopus mate.

PANGARATAION 21:19

Jadi angkon paadopon ni simatobangna i do anakna i tu jolo ni angka hatobangon ni kota inganan ni halahi i, jana pangidoonna ma anso diadili dakdanakna i di harbangan ni kota i.

PANGARATAION 25:7

Tapi muda nada ra anggina i mambuat tading-tadingan ni mandiang i, angkon kehe do anak boru i tu harbangan ni kota paboahon tu angka hatobangon ni kota jana dokkononnia ma, ‘Nada ra anggi ni halaklahingku na jumolo i patupahon na patut baenonnia tu au. Digagai ia do laho mangalehen sada pomparan di tonga-tonga ni bangso Israel.’

JOSUA 20:4

Tola do lojonganna tu sada sian angka kota i, lalu kehe ia mandapotkon pangadilan di pintu horbangan ni kota i, dung i patorangonnia ma disi tu angka pamimpin sanga aha na masa. Jadi gabe paloason ni angka pamimpin i ma ia masuk tu kota i jana dilehen inganannia, anso tarbaen ia tinggal disi.

RUT 3:12

Tutu do i nian, angkon martanggung jawab do au salaho tu ngolumu, angke kahanggimu na solkot do au. Tapi laing adong dope sada halak na asing na angkon martanggung jawab tu ngolumu. Jana kahanggi na sumolkot dope ia ulang au.

RUT 3:18

Jadi didok si Naomi ma, “Painte ma da, Rut, lopus idaonmu sanga songon dia ujung ni pangalaho on sanoli on. Nada pasoon ni si Boas be pangalaho on painte so jolo sidung.”