RUT 3:9 - BIBEL JAMITA NA DENGGAN

⁹ “Ise dehe ho,” ning ia marsapa. “Si Rut do au, amang!” ninna si Rut mangalusi. “Kahangginami na solkot do ho amang, angkon martanggung jawab do ho di ngolungku. Jadi tama do buatonmu au antong gabe ripemu.”

RUT 3:9 Iomraidhean Croise

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 3:10

“Dipasupasu Tuhan do ho Rut,” ninna si Boas. “Saonnari tumangkas dope holong ni rohamu tu kahanggimu ulang pado na dung nibaenmu tu namborumi. Na tola do ho manjalahi halaklahimu na poso sian tonga-tonga ni na kayo sanga na pogos, hape nada songon i dibaen ho.

RUT 3:12

Tutu do i nian, angkon martanggung jawab do au salaho tu ngolumu, angke kahanggimu na solkot do au. Tapi laing adong dope sada halak na asing na angkon martanggung jawab tu ngolumu. Jana kahanggi na sumolkot dope ia ulang au.

RUT 3:8

Tonga borngin i ompot ma si Boas tarsunggul boti laho pabalikkon pamatangnia. Tarsonggot ma ia di hatiha i marnida sada anak boru modom disi.

RUT 4:4

Jana didok rohangku angkon botoonmu do salaho tusi. Muda nada, torus torang ma dokkon, angke hum hita na dua sajo do nampuna hak taringot tusi; ho do na sumolkot, baru au.” Dialusi bayo i ma, “Olo, na giot tobusanku ma i.”

RUT 4:6

Dialusi bayo i ma, “Antong anggo songon i do, hupalua ma hakku laho manobusi tano i. Harana muda hutobusi i, laing na so pomparanku do hape nampuna i. Dumenggan ma ho manobusi i, ulang au.”

1 SAMUEL 25:41

Jadi jongjong ma si Abigail lalu manungkap mandok, “Naposo ni si Daud do au, rade do au mamasu pat ni angka naposonia.”