RUT 3:3 - BIBEL JAMITA NA DENGGAN

³ Jadi hara ni i maridi ma ho, pake ma pakeanmu na jegesna i jana baen ma saotik miak wangi. Dung i kehe ma ho tu inganan ni si Boas na mambanting burir-burirna i. Disi ma ho lopus sidung ia mangan dohot minum. Tapi ulang jabat habotoan tusia na disi ho.

RUT 3:3 Iomraidhean Croise

2 SAMUEL 12:20

Jongjong ma si Daud sian lante i, kehe ma ia maridi lalu disuri ia obuknia, lalu margonti pakean. Dung i kehe ma ia maribadat tu Bagas Ni Tuhan. Dung i kehe ma ia mulak tu bagas godang jana dipangido ia ma diparade panganon disi, jana mangan ma ia.

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

PARJAMITA 9:8

Padiar ma jeges bohimu jana tata.

JEHESKIEL 16:9

Hubasu do ho dohot aek laho paiaskon mudar sian pamatangmu jana Hupasupasu ho dohot miak.

MATEUS 6:17

Tapi anggo hamu, muda puaso, paias ma bohimunu, marsuri hamu.

RUT 3:2

Inda he rap markarejo dohot angka dadaboru i ho di ladang ni si Boas? Jadi sisolkotta do anggo si Boas. Antong, tangihon ma! Andospotang on na giot kehe do ia markarejo mamaspas burir-burir.

RUT 3:4

Pamanat ma sanga na di dia ia modom. Muda dung tarpodom ia, kehe ma ho tusi jana buka ma ulosna i, lalu papodom ma di lambung ni patna i. Jadi, udut ni i naron paboaonnia ma tu ho sanga na aha sibaenonmu.”