RUT 3:12 - BIBEL JAMITA NA DENGGAN

¹² Tutu do i nian, angkon martanggung jawab do au salaho tu ngolumu, angke kahanggimu na solkot do au. Tapi laing adong dope sada halak na asing na angkon martanggung jawab tu ngolumu. Jana kahanggi na sumolkot dope ia ulang au.

RUT 3:12 Iomraidhean Croise

MATEUS 7:12

Baen ma tu halak na asing, sanga aha por ni rohamu baenon ni halahi tu hamu. Songon i ma impola ni angka Tona dohot hata ni angka panurirang.”

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 3:11

Hara ni i, ulang ho gamang, Rut. Hupatulus pe na nipangidomi; angke madung sude halak na sahuta on mamboto bahaso ho sada anak boru na burju do.

RUT 3:13

Di borngin on, laing tinggal ma ho dison; ancogot ma tasihiri betak na ra do ia padalan tanggung jawabna i maradopkon ho, sanga nada. Muda ra do ia antong, denggan; tapi muda nada ra ia, marjanji ma au mangasahon Debata na mangolu i bahaso na padalanonku tanggung jawab i. Antong, saonnari laing modom dison ma ho lopus manyogot.”

RUT 4:1

Jadi kehe ma si Boas tu inganan parsuo-suoan di pintu horbangan ni kota i. Dung juguk ia disi, mamolus ma bayo na nidok ni si Boas kahanggi ni si Elimelek na sumolkot. Jadi dipio si Boas ma ia, “Ro jolo tuson kahanggingku, juguk dison!” Ro ma bayo i lalu juguk.

RUT 4:4

Jana didok rohangku angkon botoonmu do salaho tusi. Muda nada, torus torang ma dokkon, angke hum hita na dua sajo do nampuna hak taringot tusi; ho do na sumolkot, baru au.” Dialusi bayo i ma, “Olo, na giot tobusanku ma i.”