RUT 3:10 - BIBEL JAMITA NA DENGGAN

¹⁰ “Dipasupasu Tuhan do ho Rut,” ninna si Boas. “Saonnari tumangkas dope holong ni rohamu tu kahanggimu ulang pado na dung nibaenmu tu namborumi. Na tola do ho manjalahi halaklahimu na poso sian tonga-tonga ni na kayo sanga na pogos, hape nada songon i dibaen ho.

RUT 3:10 Iomraidhean Croise

PAMUNGKAAN 24:31

Jadi didok si Laban ma, “Na nipasupasu ni Tuhan do da ho, hara ni i ulang ma dison hamu di ruar on. Beta ma hita tu bagasta. Madung rade kamar ingananmunu dohot inganan ni angka untomon,” ning ia.

RUT 1:8

didok si Naomi ma tu parumaennia na dua i, “Mulak ma da hamu tu bagas ni inanta hamu. Sai burju ma Tuhan tu hamu songon haburjuonmunu tu au dohot tu angka mandiang i.

RUT 2:11

Dialusi si Boas ma, “Madung hubege taringot tu sude na nibaenmu maradopkon namborumu mamungka sian dung jumolo halaklahimu. Huboto na dung ditadingkonmu simatobangmu, huta hagodanganmu anso ro maringanan dison rap dohot angka halak na so nitandaanmu hian.

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”

RUT 2:4

Nada sadia lolot, ro ma si Boas sian Betlehem laho manghoras-horasi angka parkarejo i. “Sai didongani Tuhan ma hamu,” ning ia. Dialusi angka parkarejonia i ma, “Sai dipasupasu Tuhan ma ho amang.”

RUT 3:9

“Ise dehe ho,” ning ia marsapa. “Si Rut do au, amang!” ninna si Rut mangalusi. “Kahangginami na solkot do ho amang, angkon martanggung jawab do ho di ngolungku. Jadi tama do buatonmu au antong gabe ripemu.”

1 SAMUEL 15:13

Di na marsuo si Samuel dohot si Saul, didok si Saul ma tusia, “Sai dipasupasu Tuhan ma ho amang! Madung hupatulus parenta ni Tuhan i.”