RUT 2:3 - BIBEL JAMITA NA DENGGAN

³ Jadi kehe ma si Rut manjomputi burir-burir na nipardekdekkon ni angka na markarejo di ladang i. Topet muse ma ia kehe tu ladang ni si Boas.

RUT 2:3 Iomraidhean Croise

2 SAMUEL 1:6

Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

2 RAJA-RAJA 8:5

Jadi dompak na marcarito i si Gehasi sanga na bia dibaen si Elisa pangoluhon mangulahi sada dakdanak na dung mate, dipasahat dadaboru na sian Sunem i ma pangidoannia tu raja i. “Daulat na marmulia,” ning si Gehasi, “On ma ibana dadaboru i, jana on ma anaknia na dipangolu ni si Elisa i mangulahi!”

MATEUS 10:29

Nada he nigadis dua amporik arga sasen? Tapi haru songon i pe, inda adong na madabu i tu tano anggo so jolo dipaloas Amangmunu i.

LUKAS 10:31

Jadi topet ma mamolus sada halak malim disi. Dung diida malim i bayo i, manopi-nopi ma ia jana dilaosi ia.

2 TESSALONIKA 3:12

Mangasahon kuaso ni Tuhan Jesus Kristus, hami sosohon tu angka halak sisongon i jana hami paingotkon tu halahi, anso burju halahi markarejo, marsijalahi balanjona be ma halahi.

RUT 2:2

Sanoli didok si Rut ma tu si Naomi, “Kehe au jolo namboru tu ladang laho mamuai burir-burir na nipardabuhon ni angka parkarejo i. Pos do rohangku sai adong do i halak na paloaskon au mambaen songon i.” “Denggan, maen!” ning si Naomi mangalusi, “kehe ma da ho.”

RUT 2:4

Nada sadia lolot, ro ma si Boas sian Betlehem laho manghoras-horasi angka parkarejo i. “Sai didongani Tuhan ma hamu,” ning ia. Dialusi angka parkarejonia i ma, “Sai dipasupasu Tuhan ma ho amang.”