RUT 2:12 - BIBEL JAMITA NA DENGGAN

¹² Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

RUT 2:12 Iomraidhean Croise

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

MASMUR 19:11

Dung i muse naposoMi diajari ia, upa na godang tu na mangoloi dipasingkop ia.

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 58:11

Dokkonon ni halak ma, “Dapotan pahalo do da antong halak na denggan, tutu do i, adong do Debata na manguhumi di portibi on.”

MASMUR 61:4

Padiar mamanompang di undung-undungMu au salolot au mangolu, anso sonang au di linggoman ni habongMu.

MASMUR 63:7

angke Ho do antong na mangurupi au, marriang-riang au marende di linggom ni habongMu.

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

PODA 11:18

Halak na jahat nada pasti hauntunganna; halak na denggan pasti pasupasuonna.

PODA 23:18

anso torang ari pangapudianmu jana nada mago arop ni rohaMu.

JEREMIA 31:16

Antak ma da na tangis i jana pahiang ilu ni matami! Nada magopo halolojamu tu dakdanakmi. Jagitonmu do tumbasna marmulahan do dakdanakmi sian tano ni musu.

MATEUS 23:37

“Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MATEUS 5:12

Jop ma rohamunu jana marolop-olop ma hamu, angke godang do upamunu di banua ginjang, dibaen laing songon i do diayak-ayak halahi angka panurirang na jumolo sian hamu.”

MATEUS 6:1

“Ingot hamu ma! Unang baen hamu na niwajibkon ni ugamo di jolo ni na bahat, anso diida halak hamu. Muda songon i do dibaen hamu, nada lehenon di hamu upa na sian Amangmunu na di banua ginjang i.”

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

2 TIMOTEUS 1:18

Jana di Epesus pe na dung bahat sajo do pangurupinia tu au. Taringot tusi pe madung diboto ho i. Sai denggan ma roha ni Tuhan mangalehen asi ni rohaNa tusia muda ro Tuhan manguhumi sudena jolma manusia.

2 TIMOTEUS 4:8

Jana saonnari upa ni hamonangan i noma sipainteonku. Di Ari Parpudi, pasahaton ni Tuhan Panguhum na tigor i ma upa i tu au, angke di bagasan pardomuan na denggan do au mangolu dohot Debata. Jana nada hum au sajo na giot manjagit upa i, tapi dohot do sudena halak na sai malungun paintehon haroro ni Tuhan i.

IBRANI 11:26

Dihilala si Musa dao dope ummarga maruli incak-incak hara ni Kristus na nijanjihon ni Debata i ulang pado manjagit sasude arta ni tano Mesir; harana upa di ari na giot ro do na nipainte ni si Musa.

IBRANI 11:6

Muda so marhaporsayaan sanga ise pe nada tarbaen pasonang roha ni Debata. Angke sanga ise na ro tu Debata angkon porsaya do ia na tutu adong Debata jana lehenon ni Debata do upa tu angka na manjalahi Ia.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

RUT 1:16

Tapi dialusi si Rut ma, “Namboru, ulang ma da suru au mulak dohot manandingkon ho namboru! Ihutkononku do namboru. Sanga na tu dia namboru kehe, laing disi do au tinggal. Bangsomu noma bangsongku; jana Debatamu laing i muse ma Debatangku.

RUT 2:11

Dialusi si Boas ma, “Madung hubege taringot tu sude na nibaenmu maradopkon namborumu mamungka sian dung jumolo halaklahimu. Huboto na dung ditadingkonmu simatobangmu, huta hagodanganmu anso ro maringanan dison rap dohot angka halak na so nitandaanmu hian.

RUT 2:13

Dialusi si Rut ma, “Na denggan ma antong pambaenanmi tu au, amang. Tarapul do rohangku, dibaen lambok ni pangkuling ni amang i tu au, haru pe tumoruk au sian sada parkarejo ni amang i.”

RUT 4:15

Dihaholongi parumaenmi do ho. Madung dilehen ia di ho lobi sian na tarlehen ni pitu halak anak halaklahi. Saonnari madung dilehen ia muse di ho sada pahompu halaklahi na giot mangalehen semangat na imbaru muse di ho laho mangolu, jana na giot markasayahon ho dung matobang ho.”

1 SAMUEL 24:19

Madung dipatidahon di ari sadarion na denggan do hape rohamu tu au, angke nada dibunu ho au haru pe na dung dipasahat Tuhan au tu tanganmu.

1 SAMUEL 24:20

Jarang do dapot halak na padiarkon musuna malua boti! Antong, sai dipasupasu Tuhan ma ho hara ni angka na nibaenmu maradopkon au sadari on!