RUT 1:5 - BIBEL JAMITA NA DENGGAN

⁵ mate muse ma da anak ni si Naomi na dua i, i ma si Mahlon dohot si Kilion. Jadi, tinggal mamunjung noma si Naomi.

RUT 1:5 Iomraidhean Croise

JESAYA 49:21

Jadi gabe dokkononmu ma di bagasan rohamu, “Ise dehe na manubuhon on di au? Nada he na so adong do dakdanakku jana na so bisa do au manubuhon anak dioban tu habuangan jana dipasimbil? Tapi angka dakdanak on, ise dehe na pagodangkon halahi? Satutuna, na punjung do sasada au, tapi halahon sian dia dehe marroan?”

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

LUKAS 7:12

Di na lalu Jesus di horbangan ni kota i, adong ma halak na maroban sada na mate tu balian. Anak sasada ni na mabalu do na jumolo i. Bahat do marroan halak kota i mangudurkon ina na mabalu i.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

RUT 1:2

Goar ni bayo i si Elimelek, goar ni dadaborunia si Naomi, jana goar ni anaknia na dua i si Mahlon dohot si Kilion do; halak Efrata do halahi sian Betlehem na di Juda. Dung lalu halahi di Luat Moab, tinggal ma halahi disi.

RUT 1:4

Mambuat boru Moab ma halahi na dua, i ma si Orpa dohot si Rut. Dung sampulu taon,

RUT 1:6

Dung adong sadia lolot dibege si Naomi ma na dung mamasumasu Tuhan tu bangsoNa marhite suha ni panen na denggan. Jadi hara ni i gabe disangkaphon si Naomi ma laho kehe rap dohot parumaennia na dua i manadingkon Moab.