PANGARATAION 9:1 - BIBEL JAMITA NA DENGGAN

¹ “Tangihon hamu ma angka dongan sabangso! Di ari on tariparanmunu ma Batang aek Jordan laho mambuat tano ni angka bangso na gumodang jana na gumogo sian hamu. Godang-godang do angka kota ni halahi, martembok na gincat marsijongjong lalu tu langit.

PANGARATAION 9:1 Iomraidhean Croise

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

DANIEL 4:11

Na lobi gincat hayu i; bonana pe godang jana tohong. Lalu tu langit puncutna i, jabat tarida di sude jolma na satano on.

AMOS 2:9

Haru songon i pe ale bangsongKu, hara ni hamu do umbaen na Huabisi halak Amori na ginjang-ginjang i songon bona ni tusam dohot na gogo-gogo i songon bona ni sampinur.

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

BILANGAN 33:51

i ma angka parenta tu bangso Israel, “Muda ditaripari hamu Batang aek Jordan laho masuk tu tano Kanaan,

PANGARATAION 1:28

Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

PANGARATAION 11:23

Gabe paoroton ni Tuhan ma sude bangso i di jolomunu, jana ingananmunu ma tano ni angka bangso na gumodang jana na gumogo i sian hamu.

PANGARATAION 11:31

Nada sadia honok nari tariparanmunu ma Batang aek Jordan jana ingananmunu ma tano na giot silehenon ni Tuhan Debatamunu i di hamu. Dung dirampas hamu tano i jana maringanan hamu disi,

PANGARATAION 27:2

Sadari on taripar ma hamu di Batang aek Jordan laho masuk tu tano na giot silehenon ni Tuhan Debatamunu tu hamu, angkon pajongjongonmunu do sanga na piga batu na godang, jana hapuri hamu ma.

PANGARATAION 3:18

Laing huparentahon do di hatiha i tu halahi: ‘Madung dipasahat Tuhan Debatanta i tu hamu tano na di Habincaran ni Batang aek Jordan baen siinganan. Saonnari, pasingkop hamu ma sinjata ni angka tentaramunu jana suru hamu ma halahi manaripari Batang aek Jordan manjoloi angka marga ni Israel na asing i, laho mangurupi halahi mambuat tano i.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:38

Di jolomunu, diusir Ia angka bangso na gumodang boti na gumogo sian hamu, laho pataruhon hamu tu tano ni halahi na giot silehenon ni Debata tu hamu, i ma luat na gabe hamu puna saonnari.

PANGARATAION 6:10

“Na dung dijanjihon Tuhan Debatamu do tu ompumu si Abraham, si Ishak dohot si Jakob laho mangalehen tu ho sada luat rap dohot angka kota na godang jana na jeges, jana nada ho na pajongjongkonsa.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 1:11

kehe tu sude parbandaran i jana diparentahon ma songon on tu rayat i, “Parade hamu bohal, angke tolu ari nari angkon tariparanmunu ma Batang aek Jordan laho mambuat tano na nilehen ni Tuhan Debatamunu i di hamu.”

JOSUA 1:15

lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”

JOSUA 14:12

Antong, saonnari lehen ma luat na mardolok-dolok na dijanjihon ni Tuhan i tu au di hatiha na mulak au mangalehen barita dohot angka halak na rap dohot au i. Di hatiha i hami paboa do tu ho, bahaso na adong disi bangso raksasa na margoar bangso Enak i. Maringanan di angka kota na godang-godang jana na martembok do halahi. Betak na donganan ni Tuhan do au, gabe bolas usironku halahi morot songon na nidok ni Tuhan i.”

JOSUA 3:14

Hatiha manyabi do hatiha i, jana somal do magodang Batang aek Jordan i. Di na kehe halak Israel i manadingkon parbandaran ni halahi laho manaripari Batang aek Jordan i, parjolo ma angka malim mardalan lalu maroban Poti Parjanjian i. Jana disi didegehon halahi pat ni halahi tu batang aek i,

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 4:19

Di tanggal sampulu bulan parjolo ma halak Israel lalu di bariba ni Jordan. Dung i marbandar ma halahi di Gilgal di Habincaran ni Jeriko.

JOSUA 4:5

lalu didok ia ma, “Kehe ma hamu tu Jordan, tu jolo ni Poti Parjanjian ni Tuhan Debatamunu. Porsan hamu ma sian i sada be batu di abaramunu – sada be batu di ganop marga ni bangso Israel.