PANGARATAION 8:5 - BIBEL JAMITA NA DENGGAN

⁵ Ingot hamu ma, na niuhuman ni Tuhan Debatamunu do hamu songon sada ama na mamodai angka dakdanakna.

PANGARATAION 8:5 Iomraidhean Croise

2 SAMUEL 7:14

Gabe Amangnia ma Au, jana gabe anakKu ma ia. Muda marsala ia, uhumonKu ma ia songon sada ama na manguhum anakna.

MASMUR 89:32

gabe uhumanKu do halahi hara ni pangalaosionna i, jana Hupamasa parkancitan hara ni dosana i.

MASMUR 94:12

Ale Tuhan, martua ma halak na nipodaanMu, halak na niajarkonMu angka uhumMu.

PODA 13:24

Na so mangaloncing anakna, nada marholong ni roha tusia muda holong roha, angkon barani iba mangaloncingsa.

PODA 3:11

Ampot dipamasa Tuhan singot-singot tu ho, ale anakku, jagit ma i jana ulang menek rohamu tuSia.

PODA 3:12

Dipasingot Tuhan do halak na nihaholonganNia, dos dohot sada ama na paingotkon anak haholongan ni rohana.

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JEHESKIEL 12:3

Hara ni i, ale anak ni jolma, taran torang dope ari, hobasi ma barang-barangmu di bagasan sada gendongan songon na somal dibaen halak pangungsi. Painte so dapot borngin, kehe ma ho di torang ni ari di jolo ni halak songon halak na dioban tu buangan. Baen ma lubang di dingding ni bagasmi jana oban ma gendonganmu na marisi angka barang-barangmu ruar sian lubang i. Porsan ma gendonganmi di abaramu, kehe ma ho tu golap-golap i; papitpit ma matami anso ulang diida ho dalan na nibolusmi. Padiar ma dipaida-ida bangso Israel sude na nibaenmi, anso gabe sipaingot di halahi. Betak na ra do halahi mamoto bahaso na jahat pangalo halahi.”

JEHESKIEL 18:28

Madung diboto ia torang sude pangalahonia lalu mantak ia mambaen dosa. Jadi di na songon i nada mate be ia, tapi tongtong noma mangolu.

1 KORINTUS 11:32

Tapi muda diuhumi Tuhan hita, ajaronNia ma hita, anso ulang hona uhum be hita rap dohot portibi on.

PANGARATAION 1:31

dohot di parhorsihan. Diida hamu do sanga songon dia parobanNia di hamu lopus horas hamu di dalan i lalu tu inganan on nada adong imbarna songon sada ama na marompa anakna.’

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 8:6

Antong, patulus hamu ma sandok na niparentahon ni Tuhan: Ihutkon hamu ma angka aturanNia jana sai habiari hamu ma Ia.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.