PANGARATAION 8:2 - BIBEL JAMITA NA DENGGAN

² Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

PANGARATAION 8:2 Iomraidhean Croise

PAMUNGKAAN 22:1

Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.

2 JUJUR TAON 32:31

Jana dompak diparro ni angka utusan na sian Babel i laho manyapai tusia taringot tu hamamalumnia na pahomang roha i, dipadiar Tuhan ma si Hiskia mambaen lomo ni rohana sandiri laho manguji rohania.

2 JUJUR TAON 33:12

Di bagasan pardangolannia i dipatoruk ia ma rohania tu Tuhan Debatania jana martangiang ma ia mangido pangurupionna.

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

NEHEMIA 9:19

Hape nada ditadingkon Ho halahi di gurun pasir i, dibaen na gok holong ni roha do Ho antong. Nada diumpat Ho tiang ombun dohot api mangulahi, na patudu dalan ni halahi arian dohot borngin ni ari.

JOB 33:17

Maksudna anso diantak halahi na mambaen dosa lalu manadingkon ginjang ni rohana.

MASMUR 103:2

Puji ma Tuhan, ale tondingku, jana ulang halupahon sude hadenggananNa!

MASMUR 106:7

Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

MASMUR 136:16

Diuluhon Ia bangsoNia mamolus parhorsihan, hot do holong ni rohaNia sapanjangna.

MASMUR 77:11

Sai paingot-ingotonku do angka pambaenanMu, ale Tuhan, huingot do angka pambaenanMu na pahomangkon di hatiha na salpu.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 15:25

Dung i martangiang ma si Musa marsitutu tu Tuhan, dung i gabe dipatidahon Tuhan ma tu si Musa samponggol hayu. Diambungkon si Musa ma hayu i tu aek i, gabe tarinum ma aek i. Di inganan i ma dilehen Tuhan angka paraturan tu halahi, jana disi ma diuji Ia halahi.

HARURUAR 16:35

Manna i ma gabe panganon ni halak Israel, opat pulu taon honokna, lopus bolkas halahi tu Kanaan, inganan na hot di halahi. (

HARURUAR 16:4

Didok Tuhan ma, “Giot paroonKu ma saonnari sipanganon marlobi-lobi songon udan di hamu sudena. Ganop ari angkon papunguonmunu do sipanganon tuk balanjo sadari. Songon i ma baenonKu manguji bangsongKu anso tarboto sanga na ra do halahi mangoloi angka na Huparentahon.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEHESKIEL 20:19

Hudok ma tu halahi: Au do Tuhan Debatamunu. Oloi hamu ma tona dohot parentangKu.

AMOS 2:10

Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.

BILANGAN 14:33

Manjalahi panganon di halongonan ma anakmunu opat pulu taon honokna. Hara ni na so mangoloi hamu, gabe anakmunu manaon, lopus mate sude jolma na parpudi sian hamu.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

JOHANNES 2:25

Nada porlu baenon ni halak hatorangan tuSia taringot tu jolma, harana diboto Ia sandiri do sanga aha na adong di bagasan roha ni jolma.

PANGARATAION 1:3

Di tanggal sada bulan sabolas di taon paopat puluhon dung ditandingkon halahi Mesir, dipabolkas si Musa ma tu bangso i sandok na nisuruhon ni Tuhan sidokkononnia tu halahi.

PANGARATAION 1:33

haru pe sai tongtong dijoloani Ia hamu laho manjalahi inganan parbandaran di hamu. Dijoloani Ia do hamu laho patuduhon dalan, di bagasan tiang api taran borngin dohot tiang ombun muda di arian.”

PANGARATAION 13:3

ulang ma lehen hamu saotik pe rohamunu tusi. Na nipake ni Tuhan Debatamunu do halakna i laho manguji hamu laho marnida sanga na tutu situtu do sian sandok roha dihaholongi hamu Tuhan.

PANGARATAION 2:7

Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

PANGARATAION 29:5

Opat pulu taon lolotna dipimpin Tuhan hamu di parhorsihan, hapengani nada mumut pakean dohot sandalmunu.

PANGARATAION 32:7

Ingot ma ari na salpu, hatiha najoloan, barita di parningotan laing tarsimpan, sapai angka amantamunu, sude angka na masa na salpu, sapai ma angka hatobangonmunu, anso dipaboa tu hamu angka na masa na salpu.

PANGARATAION 7:18

Ulang mabiar hamu tu halahi; ingot hamu na sanga aha na dung dibaen Tuhan Debatamunu tu raja ni Mesir dohot sude rayatna i.

PANGARATAION 8:16

Di parhorsihan i dilehen Ia do manna gabe sipanganonmunu, i ma sipanganon na so jungada humani dope dipangan ompumunu di jolo ni i. Diparo Ia angka hamaolon tu dirimunu laho manguji hamu anso di ujungna tarbaen Ia mamasumasu hamu dohot rasoki.

JAKOBUS 1:3

Angke muda laing tong do porsaya hamu tu Tuhan di na mamolus pandugaan i gabe diparo i ma hasobaron di hamu.

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

HAKIM-HAKIM 2:22

Giot pakeonKu ma angka bangso i laho manguji bangso Israel anso Huboto sanga na ra do bangso Israel mangihutkon angka parentangKu songon angka ompu ni halahi, sanga nada.”

HAKIM-HAKIM 3:4

Na gabe batu ujian do halahi di bangso Israel umbaen na laing disi halahi. Jadi songon i ma pamotona sanga na ihutkonon ni bangso Israel do angka parenta ni Tuhan tu ompu ni halahi marhite si Musa.