PANGARATAION 7:2 - BIBEL JAMITA NA DENGGAN

² Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

PANGARATAION 7:2 Iomraidhean Croise

PAMUNGKAAN 14:20

Tarpuji ma Debata Na Gumincat i na dung mangalehen hamonangan tu ho maradopkon angka musumu.” Dung i dipasahat si Abram ma tu si Melkisedek saparsampulu sian sude barang na nirampas i na niobannia mulak.

2 SAMUEL 21:2

Nada halak Israel anggo halak Gibeon; masuk tu halak Amori siotik-otik do halahi. Na dung marjanji do halak Israel laho mangondihon halahi, hape digogo si Saul do laho mamusa halahi hara ni na manyarihon haporluan ni halak Israel dohot Juda.) Dung i dipio si Daud ma halak Gibeon i,

1 RAJA-RAJA 20:34

Jadi didok si Benhadad ma tusia, “Hupaulak ma tu tuan i angka kota na nirampas ni damang sian simatobang ni tuan i. Tola muse ma tuan i pajongjongkon pusat ni parboniagaan di tuan i di kota Damaskus songon na nibaen ni damang di Samaria.” Dialusi si Ahab ma, “Hara ni janji na nidok ni tuan i, hupalua pe tuan i.” Dung i dibaen si Ahab ma parjanjian dohot si Benhadad lalu dipalua ma ia.

ESRA 10:3

Tole ma marsumpa hita tu Debata, bahaso na giot paorotonta sude dadaboru i rap dohot angka dakdanak ni halahi i. Ihutkononnami noma sude sipaingotmu dohot angka sipaingot ni angka halak na asing na pasangapkon parenta ni Debata. Oloannami noma Tona Ni Debata.

MASMUR 106:34

Nada diabiskon halahi angka bangso na asing, hombar tu na diparentahonMu humani.

HARURUAR 22:20

Sanga ise na pasahat haul sanga tu debata dia pe i asing sian Au Tuhan, angkon mate niuhuman.

BILANGAN 21:2

Dung i marniet ma halak Israel, ninna halahi ma tu Tuhan, “Muda dilehen Ho hamonangan di hami mangalo halahi, haulkononnami ma sude kota ni halahi tu Ho, jana roncohononnami ma halahi.”

BILANGAN 31:17

Antong bunu hamu ma saonnari sude anak halaklahi dohot sude dadaboru na dung jungada marcampur.

BILANGAN 33:52

angkon paorotonmunu sude halak na mangingani luat i. Roncohon hamu sude gana-ganaan ni halahi na sian batu dohot logam dohot angka inganan parsombaan ni halahi.

PANGARATAION 13:8

ulang tangihon i jana ulang padiar dirimu dielek-eleksa. Ulang ibo rohamu di halak sisongon i sanga diondihon ho,

PANGARATAION 13:9

tapi angkon bunuonmu do i. Angkon ho do parjolo mandanggurkon batu tusi, jana suru muse ma dongan na asing mambaen songon i.

PANGARATAION 19:13

Ulang dibaen ibo ni roha tusia. Palua hamu ma Israel sian sibunu jolma i, anso sonang hamu.”

PANGARATAION 2:33

hape dipasahat Tuhan Debatanta i do ia tu hita, gabe tabunu ia dohot angka dakdanaknia maradu sude tentarania i.

PANGARATAION 2:34

Laing di hatiha i tarampas jana taroncohon ganop kota, jana tabunu pangisina i sudena, halaklahi, dadaboru dohot angka dakdanak. Nada adong na tapadiar mangolu.

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

PANGARATAION 25:12

ulang dibaen ibo ni roha tu dadaboru i; nigotapkon tanganna i.

PANGARATAION 3:3

Jadi laing Tuhan do na pasahatkon Raja Og dohot rayatna i tu hita, jana madung tabunu halahi sudena.

PANGARATAION 31:5

Lehenon ni Tuhan ma hamonangan di hamu maralohon halahi, jana angkon baenonmunu do tu halahi laing songon na hudokkon i tu hamu.

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

PANGARATAION 9:3

Tapi anggo saonnari idaonmunu sandiri ma sanga na bia Tuhan Debatamunu mardalan di jolomunu songon api na manyurbu. TaluhononNia ma halahi di jolo ni matamunu, gabe tarpaorot jana tarpusa hamu tibu halahi, songon na dung dijanjihon Tuhan.

JOSUA 10:28

Di ari i, diporangi si Josua ma Makeda lalu ditaluhon ia rap dohot rajana i. Dibunu ia sude halak na adong di kota i; umpe sada halak na dipadiar mangolu. Laing songon na nibaen ni si Josua tu raja ni Jeriko do dibaen ia tu raja ni Makeda.

JOSUA 10:30

Maradopkon kota on pe dohot rajana i, dilehen Tuhan do hamonangan di angka halak Israel. Umpe sahalak na dipadiar mangolu; sude na sakota i dibunu. Songon na nibaen ni halahi tu raja ni Jeriko, laing songon i do dibaen halak Israel tu rajana i.

JOSUA 10:32

Dilehen Tuhan do hamonangan tu halak Israel maralohon Lakis di bagasan parporangan di ari paduahon. Laing songon na nibaen ni halahi di Libna do dibaen halahi di Lakis; umpe sahalak dipadiar mangolu, sude do dibunu.

JOSUA 10:40

Dipatunduk si Josua sude luat i. Ditaluhon ia angka raja na di bagian pardolok, na di robean ni dolok sabola Habincaran, na di pat ni dolok sabola Hasundutan, songon i muse na di angka padang-padang sabola Selatan. Sada halak umpe dipadiar ia mangolu; sude do dibunu. Songon i do antong parenta ni Tuhan, Debata ni Israel.

JOSUA 10:42

Di bagasan sada parporangan sajo, madung talu sude raja-raja i dohot luat na nigomgoman ni halahi dibaen si Josua, angke Tuhan Debata ni Israel do marporang di Israel.

JOSUA 11:8

Jana Tuhan do mambaen monang halak Israel maralohon halahi. Diporangi halak Israel halahi lalu dikojar lopus tu tongtang ni Misrefot Maim dohot Sidon di Utara, jana lopus tu Rura Mispa di Habincaran. Torus do jebu parporangan i lopus nada adong be na tinggal sian musu i. Umpe sahalak – mate sude.

JOSUA 2:14

Jadi didok bayo sidua halak i ma tusia, “Marjanji ma hami, muda lehenon ni Tuhan luat on tu hami, denggan do baenonnami tu hamu asal ma nada dipaboa ho sanga na tu ise pe taringot tu hami. Sai mate ma hami, muda nada hami patulus janjinami on.”

JOSUA 21:44

Jadi domu tu na dung dijanjihon Tuhan tu ompu na umpompar angka halak Israel i, dijagohon Tuhan ma antong sude luat i gabe sonang. Sian sude angka musu ni halahi i umpe adong sada na tolap mangalo halahi, angke dilehen Tuhan do hamonangan di halak Israel maradopkon angka musu ni halahi.

JOSUA 8:24

Dung sidung tentara ni Israel mamunu sude tentara ni musu na mangkojar halahi tu parhorsihan i, mangulahi ma halahi tu Ai, dibunu halahi muse ma sude halak na adong disi.

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.

JOSUA 9:7

Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”

HAKIM-HAKIM 1:24

Di na giot lalu tu kota i angka na mata-mata i, marsuo ma halahi dohot sada bayo na giot manadingkon kota i. Didok halahi ma tusia, “Muda dipaboa ho sanga na bia baenonnami anso tarbaen masuk tu bagasan kota i, nada baenonnami na jat tu ho.”

HAKIM-HAKIM 1:4

dohot Marga Juda kehe ma rap marporang. Jana dilehen Tuhan do hamonangan di halahi maralohon halak Kanaan dohot halak Peris. Sampulu ribu halak sian musu i na mate di Besek.

HAKIM-HAKIM 2:2

Hara ni i, nada tola hamu mambaen sanga aha ihot-ihot dohot halak na mangingani luat on. Angkon rumpakkononmunu do angka langgatan ni halahi i.’ Hape nada dibaen hamu sanga aha na Huparentahon i. Mur sabalikna do tehe dibaen hamu!