PANGARATAION 7:1 - BIBEL JAMITA NA DENGGAN

¹ “Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

PANGARATAION 7:1 Iomraidhean Croise

1 RAJA-RAJA 16:31

Nada tuk dope disia ngolu pardosaon songon Raja Jerobeam i, dibuat ia dope si Isebel boru ni Raja Etbaal na sian Sidon, gabe marsomba tu Baal ia.

1 JUJUR TAON 1:14

Si Kanaan ma na umpompar bangso Jebusi, Amori, Girgasi,

2 JUJUR TAON 8:7

Sude pomparan ni halak Kanaan na so dibunu ni halak Israel di hatiha na mangarampas luat i halahi, diarahon si Salomo ma i markarejo paksa. I ma angka halak Het, Amori, Peris, Hewi dohot Jebus. Lopus saonnari laing hatoban do pomparan ni halahi.

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

NEHEMIA 13:23

Laing huida muse ma di hatiha i na dung bahat do hape halak Jahudi na mambuat boru sian bangso Asdod, Amon dohot Moab.

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

HARURUAR 15:7

Marhite hatongamonMu na lumobi, dibalikkon Ho aloMu marpiar-piar hamuruhonMu, jana manutung halahi songon durame.

HARURUAR 23:28

PasarsaronKu ma angka musumunu jana paorotonKu halak Hewi, halak Kanaan dohot halak Het anso tarbaen hamu torus maju.

HARURUAR 23:32

Ulang baen hamu partahian sanga aha pe dohot halak i sanga dohot angka debata ni halahi.

HARURUAR 23:33

Ulang padiar-diar hamu halahi mangingan-ingani luatmunu i; harana anggo dipadiar hamu do halahi disi, gabe mardosai do hamu baenon ni halahi. Muda disomba hamu angka debata ni halahi, madabu do hamu tu tirangkap ni hamatean.”

HARURUAR 33:2

SuruonKu do sahalak surusuruan mardalan di jolomu jana paorotonKu halak Kanaan, halak Amori, halak Het, halak Peris, halak Hewi dohot halak Jebus.

HARURUAR 6:8

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do Tuhan.’ ”

HAMALIMON 14:34

deba nari angka aturan taringot tu bagas na nilangkotan ni lapuk na rarat i. (Pakeon angka aturan on dung masuk halak Israel tu tano Kanaan, tano na giot silehenon ni Tuhan tu halahi.)

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

BILANGAN 14:31

Didok hamu, tabanonna ma angka anaknami! Hape na giot obanonKu do halahi tu luat na so giotmunu i, jadi baenonKu ma i gabe tano hagodangan ni halahi.

BAENON NI ANGKA RASUL 13:19

Dung i dironcohon Ia pitu bangso di tano Kanaan, dilehen Ia ma tano i di halahi gabe teanonna.

PANGARATAION 11:29

Muda dung dioban Tuhan hamu masuk tu tano na giot siingananmunu i, jadi angkon pajojoronmunu do pasupasu i sian Dolok Gerisim dohot bura sian Dolok Ebal. (

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 20:16

Tapi muda angka kota na adong di luat na giot silehenon ni Tuhan i do tu hamu na giot taluhononmunu, jadi angkon bunuonmunu do sude halak na mangingani kota i.

PANGARATAION 31:20

ObanonKu ma halahi tu tano na napu jana na marlobian susu dohot madu, songon na dung Hujanjihon tu ompu ni halahi. Dapot halahi ma disi sipanganon na porlu di halahi jana mangolu di bagasan sonang ma halahi. Tapi di pudian ni ari marbalik ma halahi jana marsomba tu angka debata na asing. Tulahon ni halahi ma Au jana gagaan ni halahi ma parjanjianKu,

PANGARATAION 31:3

Tuhan Debatamu sandiri ma mardalan di jolomunu dohot na mangabiskon angka bangso na maringan disi, anso laing tarbaen hamu mambuat tano ni halahi i. Si Josua ma mamimpin hamu, songon na nidok ni Tuhan i.

PANGARATAION 4:38

Di jolomunu, diusir Ia angka bangso na gumodang boti na gumogo sian hamu, laho pataruhon hamu tu tano ni halahi na giot silehenon ni Debata tu hamu, i ma luat na gabe hamu puna saonnari.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

PANGARATAION 6:10

“Na dung dijanjihon Tuhan Debatamu do tu ompumu si Abraham, si Ishak dohot si Jakob laho mangalehen tu ho sada luat rap dohot angka kota na godang jana na jeges, jana nada ho na pajongjongkonsa.

PANGARATAION 6:19

jana paorotonmu ma angka musumu songon na nijanjihon ni Tuhan i.

PANGARATAION 6:23

Dipalua Ia do hita sian Mesir laho maroban hita tuson jana mangalehen tano on tu hita songon na dung dijanjihonNia tu ompunta i.

PANGARATAION 9:1

“Tangihon hamu ma angka dongan sabangso! Di ari on tariparanmunu ma Batang aek Jordan laho mambuat tano ni angka bangso na gumodang jana na gumogo sian hamu. Godang-godang do angka kota ni halahi, martembok na gincat marsijongjong lalu tu langit.

PANGARATAION 9:3

Tapi anggo saonnari idaonmunu sandiri ma sanga na bia Tuhan Debatamunu mardalan di jolomunu songon api na manyurbu. TaluhononNia ma halahi di jolo ni matamunu, gabe tarpaorot jana tarpusa hamu tibu halahi, songon na dung dijanjihon Tuhan.

PANGARATAION 9:4

Dung dipaorot Tuhan Debatamunu i halahi hara ni hamu, ulang dokkon hamu muse tu dirimunu sandiri, dioban Ia pe hamu tusi anso hamu nampuna tano i, hara ni na burju hamu jana dipatulus hamu hagiot ni Tuhan gabe patut ma hamu manjagitsa. Nada songon i! Dipaorot Tuhan pe angka bangso i di hamu, hara ni na jahat do halahi.

JOSUA 11:3

Laing disuru Raja Jabin muse do halak mandapotkon halak Kanaan na di Hasundutan dohot Habincaran ni Jordan, tu angka halak Amori, Het, Peris dohot tu angka halak Jebus na di luat pardolohan, maradu tu angka halak Hewi na di pat ni Dolok Hermon na di Luat Mispa.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.

JOSUA 3:10

Jadi muda mardalan hamu naron, pasti do paoroton ni Tuhan angka halak Kanaan, Het, Hewi, Peris, Girgasi, Amori dohot halak Jebus. Idaonmunu ma bahaso na di tonga-tongamunu do Debata na mangolu i,