PANGARATAION 6:2 - BIBEL JAMITA NA DENGGAN

² Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

PANGARATAION 6:2 Iomraidhean Croise

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

1 RAJA-RAJA 8:40

Anso sude bangsoMu mabiar jana burju mangoloi Ho, salolot maringanan halahi di luat na dung nilehenMu tu ompungnami.”

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

MASMUR 128:1

Martua ma halak na mabiar mida Tuhan, jana na mangolu mangihutkon parentaNa.

MASMUR 91:16

PapuasonKu ma ia dohot umur na ginjang, jana patuduhononKu tusia haluaan na sian Au.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 20:20

Didok si Musa ma, “Ulang mabiar hamu, na giot mancubo rohamunu sajo do dibaen na ro Debata, anso tongtong mangoloi hamu tuSia jana ulang mardosa hamu.”

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 3:16

Dilehen habisuhon do di ho umur na ginjang, sinadongan dohot hasangapan.

PODA 9:11

Lehenon ni habisuhon do di ho umur na ginjang.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

JEREMIA 32:39

LehenonKu ma tu halahi sada sajo tujuan ni ngoluna: i ma, pasangapkon Au salolot-lolotna; na patongon na denggan do i tu halahi sandiri, dohot tu pomparan ni halahi.

JEHESKIEL 20:19

Hudok ma tu halahi: Au do Tuhan Debatamunu. Oloi hamu ma tona dohot parentangKu.

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 11:9

Jana lolot muse ma hamu mangolu di tano na mora boti na napu i na dung dijanjihon Tuhan tu ompumunu dohot tu pomparan ni halahi.

PANGARATAION 13:4

Angkon mate do halak na songon i, uhumonmunu, angke na giot mangaliluhon hamu do halakna i sian dalan na niparentahon ni Tuhan tu hamu. Halak na jahat do i na marsuru hamu mangalo tu Tuhan na dung paluahon hamu sian Mesir, ingananmunu di parhatobanan. Jadi angkon bunuon do i anso mago hajahatan i. Tapi angkon ihutkononmunu do Tuhan jana pasangaponmunu; oloi hamu ma Ia jana patulus hamu sude na niparentahonNia. Sai hot ma hamu tongtong marpangoloion jana burju tuSia.

PANGARATAION 15:5

asalkon ma ra hamu mangoloi Tuhan jana jamot patuluskon sandok na huparentahon tu hamu di ari sadari on.

PANGARATAION 22:7

Anggo anakna i tola do buatonmunu, tapi anggo indukna i padiar ma habang, anso ginjang umurmunu jana sonang ngolumunu.

PANGARATAION 30:19

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan.

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

PANGARATAION 6:24

Disuru Tuhan Debatanta do hita mangoloi angka aturan i, giotNia anso tapasangap Ia. Muda tabaen na songon i, gabe tongtong ma sarihononNia bangsonta anso tongtong sonang.

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

JOSUA 4:24

Marhite na masa on gabe botoon ni sude jolma na di tano on ma sanga songon dia godangna kuaso ni Tuhan. Jana pasangaponmunu ma Tuhan Debatamunu salolot-lolotna.”

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.