PANGARATAION 4:9 - BIBEL JAMITA NA DENGGAN

⁹ Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 4:9 Iomraidhean Croise

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

HARURUAR 10:2

anso tarcaritohon ho i tu anakmu dohot tu pahompumu sanga songon dia Hubaen marmayam-mayamkon bangso Mesir marhite hahomangan na dung Hubaen di tonga-tonga ni halak i. Sude ma hamu mambotosa, bahaso Au do Tuhan.”

HARURUAR 23:13

Tangihon hamu ma sanga aha na Hudok tu hamu, Au sandiri Tuhan na mandok tu hamu. Ulang martangiang hamu tu angka debata na asing, hum mandok goarna pe indangkon.”

PODA 1:8

Parrohahon ma sanga aha pangajaran ni natorasmu tu ho, ale anakku,

PODA 23:26

Denggan-denggan ma parrohahon jana tiru ma ngolungku, ale anakku!

PODA 3:21

Antong hara ni i, marsitiopan ma ho tu habisuhon dohot tu roha na denggan, ale anakku! Sanga na bia pe ulang palua i,

PODA 7:1

Ale anakku, ingot ma na hudok tu ho, jana ulang halupahon na hudok karejohononmu.

JESAYA 38:19

Hum jolma na mangolu do na mamuji Ho, songon na hupatupa sadari on. Dibaritahon na matobang tu dakdanakna sanga songon dia burju ni rohaMu.

JESAYA 42:20

O Israel, bahat do nian na niidamu, hape so diparrohahon ho, marbuka do nian pinggolmu, hape na so marbinege do.”

JEREMIA 17:21

Songon on do ditonahon Tuhan: ‘Muda nada giot hamu mate, ulang ma maroban barang hamu di Ari Sabat, sanga marobansa mamolus sian angka pintu horbangan ni Jerusalem.

LUKAS 8:18

Antong parrohahon hamu ma tangkas sanga songon dia parbinegemunu. Angka halak na dung marnampuna, nitambaan muse dope disia. Tapi halak na so adong diha-dihana, dibuat muse dope sian ia sanga aha na nietongnia adong disia.”

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

PANGARATAION 12:1

“Angka on ma aturan na angkon sioloanmunu salolot mangolu hamu di tano na giot silehenon ni Tuhan di hamu, i ma Debata na nisomba ni ompumunu. Parate-atehon hamu ma angka aturan i!

PANGARATAION 16:3

Ulang pangan rap dohot roti na marragi panganon Paskah i. Pitu ari lolotna hamu angkon mangankon roti na so marragi, laing songon di na morot hamu sian tano Mesir maradu mopop. Pangan hamu ma roti i – na margoar roti pardangolan – anso salolot mangolu diingot hamu ari i di na morot hamu sian Mesir, ingananmunu diparhatoban.

PANGARATAION 17:19

Angkon simpanonnia do buku i di lambungnia jana angkon siseonnia do i salolot mangolu ia, anso marsiajar ia manghabiari Tuhan jana mardongan haburjuon oloannia sude parenta na nisurat di bagasan buku i.

PANGARATAION 29:29

Adong do sanga na piga pangalaho na nitabunihon ni Tuhan Debatanta; tapi anggo UhumNia madung nian dipatangkas Ia tu hita, jana angkon oloanta do i dohot pomparanta salolot-lolotna.”

PANGARATAION 31:19

Saonnari, suratkon ma ende on. Ajarkon ma i tu bangso Israel anso gabe hasaksian maradopkon halahi.

PANGARATAION 32:46

didok si Musa ma, “Jagohon hamu ma anso oloi hamu sude parenta na hulehen tu hamu sadari on. Ajarkon hamu ma i tu angka dakdanakmunu, anso dioloi halahi sude pangajaran ni Tuhan i di bagasan haburjuon.

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’

PANGARATAION 4:15

“Di na mangkuling Tuhan tu hamu sian api i di Dolok Sinai, nada adong diligi hamu rupaNa. Jadi, anso padenggankon di hamu sandiri, patut ma ingotonmunu!

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 6:12

denggan ma jagohon hamu anso ulang jabat lupa ho tu Tuhan na dung paluahon ho sian Mesir, ingananmu diparhatoban.

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

PANGARATAION 6:20

Di pudian ni ari sapa-sapa ma angka dakdanakmu tu ho, ‘Biasi disuru Tuhan Debatanta hita mangoloi sude angka aturan on?’

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.

PANGARATAION 8:11

“Jamot ma hamu, anso ulang jabat dihalupahon hamu Tuhan Debatamunu; sian sude parentaNia na Hulehen tu hamu sadari on, ulang adong sada pe na nipasidingmunu.

PANGARATAION 8:14

jamot ma hamu anso ulang gabe manyombong hamu jana lupa tu Tuhan Debatamunu na dung paluahon hamu sian Mesir, ingananmunu diparhatoban.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

JAKOBUS 2:22

Dison tarida ma, angkon nipatuduhon do haporsayaan i dohot pambaenan anso gabe sanggam.

JOSUA 1:18

Sanga na ise pe na mangalo kuasomu, sanga na so mangihutkon parentamu, mate hona uhum ma i. Sai pos ma rohamu jana ulang mabiar ho!”

JOSUA 23:11

Hara ni i, ingot hamu ma laho manghaholongi Tuhan Debatamunu.

JOSUA 4:21

Dung i ninna si Josua ma tu halak Israel, “Di pudian ni ari, muda disapai angka dakdanakmunu taringot tu arti ni angka batu on,

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.

HAKIM-HAKIM 3:7

Dung i mardosa ma mangulahi halak Israel tu Tuhan, Debata ni halahi. Lupa ma halahi tuSia gabe marsomba halahi tu angka gana-ganaan Baal dohot Asera.

HAKIM-HAKIM 8:34

Nada be maribadat halahi tu Debata, Tuhan ni halahi, na dung paluahon halahi sian kuaso ni sude musu na humaliang halahi.