PANGARATAION 4:5 - BIBEL JAMITA NA DENGGAN

⁵ Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 4:5 Iomraidhean Croise

MASMUR 71:17

Diajari Ho do au ale Debata, mamungka sian haposoonku, lopus sadarion hupajojor do pambaenanMu na pahomang roha.

HARURUAR 18:20

Angkon ajarkononmu do tu halahi angka na niparentahon ni Debata jana angkon patorangonmu muse pardalan ni ngolu na denggan maradu tu na patut angkon baenon ni halahi.

JEREMIA 11:6

Dung i didok Tuhan ma tu au, “Kehe ma ho mandapotkon angka kota na di Juda dohot tu angka dalan na di Jerusalem. Palalu ma jolo tonangKon tu angka jolma na disi. Suru ma halahi mamparrohahon dohot mangoloi angka na nipangido ni parjanjianKu.

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

HAMALIMON 19:19

Oloi ma angka parentangKu. Dua rupa pahan-pahanan, ulang dipacampur na sarupa tu na sarupa nari. Ulang suan dua ragam same di sada ladang. Ulang pake ulos na nitonun sian dua rupa bonang.

HAMALIMON 26:46

Sudena i, i ma angka aturan dohot angka parenta na nilehen ni Tuhan di Dolok Sinai tu halak Israel marhite si Musa.

HAMALIMON 27:34

I ma angka parenta na nilehen ni Tuhan di ginjang ni Dolok Sinai tu halak Israel marhite si Musa.

HAMALIMON 7:38

Di ginjang ni Dolok Sinai di parhorsihan i, dilehen Tuhan ma angka parentaNa tu si Musa di na nisurunia halak Israel pasahat haulna.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

1 KORINTUS 11:28

Jadi angkon marsipareso dirina ma jolo, dung i pe anso tola ia mangan roti dohot minum anggur i.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

PANGARATAION 11:32

jadi sai oloi hamu ma sude aturan na hulehen tu hamu di ari sadari on.”

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

PANGARATAION 4:4

hape anggo halak na tongtong setia tu Tuhan Debatamunu laing mangolu do lopus saonnari.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

PANGARATAION 7:11

Jadi, angkon oloanmunu do sasude na dung diajarkon i tu hamu, oloi hamu ma sude aturan na Hulehen tu hamu di ari on.”

PANGARATAION 8:11

“Jamot ma hamu, anso ulang jabat dihalupahon hamu Tuhan Debatamunu; sian sude parentaNia na Hulehen tu hamu sadari on, ulang adong sada pe na nipasidingmunu.

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.