PANGARATAION 4:2 - BIBEL JAMITA NA DENGGAN

² Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

PANGARATAION 4:2 Iomraidhean Croise

MASMUR 78:7

Jadi laing dohot muse ma halahi mambaen Debata gabe arop ni rohana, nada lupa di angka pambaenanNia, tapi gabe burju mangoloi parentaNia.

PODA 30:6

Muda ditambai ho na nidokNia, gabe hona gora ho baenonNia jana buktihononNia bahaso na margabus ho.”

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

JEREMIA 26:2

manigor didok Tuhan ma tu au, “Kehe ma ho jongjong di alaman ni BagasKu jana palalu ma tu halak Juda na ro marsomba tusi, sandok na Huparentahon tu ho sipalaluonmu tu halahi. Saotik pe ulang urahi.

MATEUS 5:18

Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

MATEUS 5:43

“Madung dibege hamu taringot tu pangajaran on: Haholongi ma donganmu, goyak ma rohamu mida alomu.

GALATIA 3:15

Hamu ale angka dongan! Hubaen ma tudosanna jolo sian na masa siganop ari di hita. Muda adong sanga ise na mambaen parjanjian, jana madung disahkon janji i, jadi sanga ise pe nada tarbaensa be manyundati janji i bagi manamba-nambai sanga aha pe tusi.

PANGARATAION 1:3

Di tanggal sada bulan sabolas di taon paopat puluhon dung ditandingkon halahi Mesir, dipabolkas si Musa ma tu bangso i sandok na nisuruhon ni Tuhan sidokkononnia tu halahi.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

PANGARATAION 13:1

Ampot adong sada panurirang sanga sada halak na sai tagi patorangkon nipi manjanjihon tanda hahomangan

PANGARATAION 33:4

Taoloi ma Tona Ni Tuhan na nilehen ni si Musa, i ma sinadongan ni bangso on na ummarga.

PANGARATAION 4:14

Disuru Tuhan do au mangajarkon sude aturan sioloanmunu di tano na giot masuhan dohot siingananmunu i.”

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

PANGARATAION 5:32

Angka dongan sabangso, burju be ma hamu mangoloi sasude na niparentahon ni Tuhan Debatamunu i tu hamu. Ulang adong sada pe sian angka parenta i langgar hamu.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.

JOSUA 8:35

Pasada-sada sude parenta ni si Musa na tarsurat di bagasan Buku Tona Ni Tuhan i disise si Josua tu sandok halak na marlagut disi, dohot ma disi angka dadaboru, angka dakdanak, dohot angka halak sileban na tinggal di tonga-tonga ni halak Israel.