PANGARATAION 4:12 - BIBEL JAMITA NA DENGGAN

¹² Baritahon hamu ma tu halahi songon dia pangkuling ni Tuhan tu hamu sian api i, songon dia pambegemunu di soraNa i, tapi umpe haidaan sanga na songon dia pe rupana.

PANGARATAION 4:12 Iomraidhean Croise

HARURUAR 19:9

Didokkon Tuhan ma tu si Musa, “Ro ma Au mandapotkon ho di bagasan ombun na hapal, anso dibege angka jolma i mandok hata Au tu ho, jana mamungka sian on, porsaya noma halahi tu ho.” Laing dipalalu si Musa muse ma antong alus ni bangso i,

HARURUAR 20:22

Diparentahon Tuhan ma tu si Musa anso dipaboa ia tu bangso Israel, “Madung diida hamu sanga songon dia, Au Tuhan, Au na mandok hata tu hamu sian banua ginjang.

JESAYA 30:21

Muda manyimbil hamu sian dalan, tarbege do i sian pudimunu soraNia na mandok, “On do dalan i; dalan on ma bolus hamu.”

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JESAYA 40:3

Adong ma halak na marsurak pio-pio, “Hobasi ma di halongonan dalan ni Tuhan. Baen hamu ma di halongonan dalan godang di Debatanta.

JESAYA 40:6

Adong ma na pio-pio: “Baritahon ma!” “Aha do na giot baritahononku?” ningku marsapa: “Baritahon ma, anggo jolma i hum songon duhut do, tudos tu bunga na mangerbang hum santongkin sajo.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 3:3

Si Johannes on ma na nidok ni Panurirang Jesaya di angka hatania on, “Adong ma sada halak na pio-pio di halongonan, ‘Pauli hamu ma dalan ni Tuhan; pahornop hamu ma dalan na giot bolusonNia.’ ”

PANGARATAION 10:4

Dung i disuratkon Tuhan ma di batu i Parenta Na Sampulu i, i ma angka hata na sarupa songon na nisuratNia i di na parjolo i. Madung dilehen Ia angka parenta i tu hamu, di na mangkuling Ia tu hamu sian tonga-tonga ni api di ari i dompak na marlagut hamu di pangkal ni dolok i. Dung sidung dilehen Tuhan batu i tu au

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

PANGARATAION 4:13

Disi do dipabotohon Ia tu hamu sanga aha sipatupaonmunu laho manggohi parjanjian na nibaenNia dohot hamu. Parenta na sampulu na nisuratkonNia tu batu na dua hoping i angkon oloanmunu do.

PANGARATAION 4:15

“Di na mangkuling Tuhan tu hamu sian api i di Dolok Sinai, nada adong diligi hamu rupaNa. Jadi, anso padenggankon di hamu sandiri, patut ma ingotonmunu!

PANGARATAION 4:33

Unjung ma he adong sada bangso na hot mangolu dung dibege sada debata mangkuling tu halahi sian api, songon na nialamanmunu i?

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 5:22

I ma angka parenta na nilehen ni Tuhan tu bangso na marlagut di dolok i. Di na mangkuling Ia mardongan sora na mangaronggur sian api dohot ombun dohot hagolapan i, disi ma Dilehen Ia angka parenta on, jana nada adong na asing Dilehen Ia. Lalu disuratkon Ia muse ma i di batu siduangkoping jana Dilehen Ia ma i tu au.”

PANGARATAION 5:4

Mangkobari do Tuhan di ginjang ni dolok i sian api paadop-adop dohot hamu.

PANGARATAION 9:10

Dung i dilehen Tuhan ma tu au batu na dua i na nisurat ni Tuhan sandiri dohot hata na nipajojorNia sian tonga-tonga ni api i tu hamu, di na marlagut hamu di pat ni dolok i.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

IBRANI 12:19

saringar ni sarune dohot sora na lobi gogo. Di na nibege ni halak Israel sora i, gogo do pangidoan ni halahi anso ulang be nian mangkuling sora i tu halahi.