PANGARATAION 32:4 - BIBEL JAMITA NA DENGGAN

⁴ Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PANGARATAION 32:4 Iomraidhean Croise

PAMUNGKAAN 1:31

Ditatap Debata ma sude na nitompaNia i jana sun ma dengganna sudena i diida Ia. Salpu ma borngin jana torang ma ari – i ma ari paonomkon.

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

2 SAMUEL 22:47

O Tuhan ni hangoluan! Nipuji ma Ho na mangampuni au! Pasangap ma Debata na gumogo, sipaluangku!

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

NEHEMIA 9:8

Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.

JOB 34:10

O hamu angka halak na mamboto, tangihon ma! Ra ma he Debata Na Markuaso i mambaen na sala?

JOB 35:14

Mur ma muda didok ho, ale Job na so tarida Ia di ho, na dung lalu parkaromu tu joloNa jana tarpainte-inte ma ho diSia!

JOB 36:23

Ise ma he tarbaen manontuhon dalan diSia, sanga manuhas Ia sibaen sala?

JOB 8:3

Na so unjung do dipageduk Debata hatigoran; na so jungada sial pajongjong habonaran.

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 138:8

Giot patulusonMu do sandok na nijanjihonMu. Tuhan, hot do holong ni rohaMu sapanjangna, ulang ma tadingkon na dipungka ni tanganMu.

MASMUR 145:17

Tigor do Tuhan i di sude tindakanNa, gok holong ni roha do Ia di sude na nibaenNa.

MASMUR 146:6

Ia do na manompa langit, tano dohot laut maradu isina, na tontong setia ro di salolot ni lolotna.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 18:46

Tuhan na mangolu! Nipuji ma na mambela au! Pasangap ma hagogoon ni Debata, na palua au!

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

MASMUR 31:5

Hupasahat tu bagasan tanganMu ma tondingku, o ale Tuhan Debata na burju, na paluahon au.

MASMUR 33:4

Haposan do sude hata na nidok ni Tuhan, tigor do Ia di sude na nibaenNia.

MASMUR 78:35

Diingot halahi ma, Debata do pangondian di halahi jana Debata Na Gumincat i do na palua halahi.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

MASMUR 90:16

Patuduhon ma karejoMu tu hami angka naposoMu, anso diida pomparannami godang ni kuasoMu.

MASMUR 92:15

I ma da tandana na tigor Tuhan, Ia do pangondianku, nada adong hageduhan diSia.

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

PARJAMITA 3:14

Huboto do na tongtong do adong salolot-lolotna sude pambaenan ni Debata. Nada tartambai sanga tarurahi jolma pambaenan i, haru hum saotik pe. Jana songon i do dibaen Debata, anso mabiar hita tuSia.

JESAYA 17:10

O Israel, madung dihalupahon ho Debata na paluahon dohot na manjagohon ho songon dolok batu na tohong. Balik do, madung disuani ho angka kobun laho marsomba angka debata.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

JESAYA 26:4

Sai haporsayai ma tongtong Tuhan, harana Tuhan Debata do dolok batu na manongtong.

JESAYA 28:16

Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’

JESAYA 30:18

Haru pe songon i, laing dipainte Tuhan dope hatihana laho patuduhon tu hamu ibo ni rohaNia. Rade do Ia laho maribo ni roha tu hamu, angke Tuhan i do Debata na tigor. Martua do na marpos ni roha tuSia.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

JEREMIA 9:24

Sanga ise na giot manggodang hara ni bagi aha, manggodang ma hara ni na nitandana Au; jana diboto angka sangkapKu. Dibotosa do na so marujung holong ni rohangKu jana bonar boti tigor pambaenanKu. Sudena do i pajop rohangKu. Au do Tuhan na mandok i sudena.”

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

MATEUS 5:48

Angkon sanggam do hamu – sarupa dohot Amangmunu na di banua ginjang i, sanggam.”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 5:22

Nada mandabu uhum anggo Ama i sandiri sanga na tu ise pe. Angke anggo kuaso laho mandabu uhum, na dung dipasahat do i di AnakNa i.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

SURAT NI SI PAULUS TU PARLAGUTAN ROM 2:2

Tapi taboto do mangihutkon hasintongan do uhuman ni Debata angka na mambaen si songon i.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

SURAT NI SI PAULUS TU PARLAGUTAN ROM 3:5

Tapi muda mur tarida na tigor Debata hara ni na tabaen na so tigor, aha ma na tardok hita? Na geduk ma he lakna Debata muda diparo Ia rimasNia? (Mangihutkon hata ni jolma do na hudok i.)

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

PANGARATAION 10:18

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 32:18

Ditadingkon halahi do Debata Sipalua, Tuhan silehen ngolu dihalupahon.

PANGARATAION 7:9

Ingot hamu ma! Sasada Tuhan Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

JAKOBUS 4:12

Hape nian, hum sada do na marhak mamarenta jolma dohot manguhumisa. I ma Debata na margogo paluahon dohot pangabiskon. Jadi, ise ma hamu lakna umbaen na jabat ra hamu pasala halak na asing, laing jolma na somal songon hamu.

1 PETRUS 2:6

Harana tarsurat do di Buku Na Badia i songon on, “Madung Hupili sada batu na arga, na Hupayakkon di Sion gabe batu parsuhi; jana sanga ise na porsaya tuSia nada pailaon.”

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.