PANGARATAION 3:5 - BIBEL JAMITA NA DENGGAN

⁵ Na nipatogu do kota i dohot angka tembok na gincat, pintu horbangan dohot goruk-goruk ni pintuna laho manutup angka horbangan i. Asing ni i adong dope bahat kota na asing na so martembok.

PANGARATAION 3:5 Iomraidhean Croise

NEHEMIA 9:25

Dirampas bangsoMi do angka benteng partahanan, tano na napu bope bagas na gok sinadongan. Inganan ni aek na nihalojahon ni halak, dirampas halahi kobun anggur, bona ni zetun dohot parbatu na asing i. Mamokmok halahi hara ni na mangan marroha-roha. Sandok na denggan na nilehenMu didaisa.

ESTER 9:19

I ma dalanna umbaen na tanggal opat bolas bulan Adar gabe ari jop ni roha di halak Jahudi na maringanan di angka kota na menek-menek na gabe ari pesta siriaon lalu marsipiringan silua na marrumang sipanganon.

BILANGAN 13:28

Tapi halak na gogo do mangingani luat i. Angka kota ni halahi godang jana togu bentengna. Na jumorbut dope, hami ida disi jolma pomparan ni raksasa.

PANGARATAION 1:28

Jadi, aha ma he gunanta tusi? Mabiar hita. Sian angka halak na tasuru tusi paboahon tu hita, gumogo jana tumogos-togos do bangso i ulang hita, jana sasalangit gincat ni tembok ni kota na niinganan ni halahi. Madung diida halahi raksasa disi!’

PANGARATAION 3:4

Di sada hatiha do tarampas sude kotana i – umpe sada kota na tinggal. Adong do onom pulu kota sudena na tarampas di sude Luat Argob na niparenta ni Raja Og na sian Basan.

PANGARATAION 3:6

Taabisi do sude kota i jana tabunu sude halaklahi, dadaboru dohot dakdanak, laing songon na tabaen di angka kota ni Raja Sihon na sian Hesbon.

IBRANI 11:30

Hara ni haporsayaanna, dung dihaliangi halak Israel tembok ni Jeriko pitu ari honokna gabe matolbak do tembok i.

1 SAMUEL 6:18

Adong sian kota i na martembok adong na so martembok. Ganop kota ma mangirim sada be baro sere dohot sada monci sere. Batu na godang inganan hapayahan ni Poti Parjanjian ni Tuhan i dibaen halahi, i ma na gabe tanda ni na masa i. Lopus tu sadari on pe laing di ladang ni si Josua halak Bet-Semes i do batu i.