PANGARATAION 27:3 - BIBEL JAMITA NA DENGGAN

³ Angkon suratkononmunu do di angka batu i sude uhum dohot pangajaran on. ‘Muda dung dimasuhi hamu tano na mora boti na napu na nijanjihon ni Tuhan, Debata na nisomba ni ompumunu i,

PANGARATAION 27:3 Iomraidhean Croise

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

BILANGAN 13:27

Ninna halahi ma tu si Musa, “Madung hami pareso luat i, tutu do tano na mora do i jana na napu, jana on ma saotik batu ni hayu na hami oban sian i.

BILANGAN 14:8

Muda ra Tuhan i, obanonNia ma hita tusi laho mangalehen tano na mora jana na napu i di hita.

PANGARATAION 26:9

Dung i dioban Ia ma hami tuson jana dilehen Ia tano na kayo boti na napu on di hami.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

PANGARATAION 6:8

Tambatkon ma i di tanganmu jana lilitkon di bohimu baen sipaingot-ingoton.

IBRANI 10:16

“ ‘On ma janji na giot baenonKu dohot halahi tu ari na giot ro,’ ninna Tuhan i, ‘SuratkononKu ma angka TonangKu tu bagasan roha ni halahi, jana suankononKu ma i tu pikiran ni halahi.’

JOSUA 5:6

Boti muse, angka halaklahi na haruar sian Mesir na dung tuk umurna masuk tentara, di ujung ni ombas siopat pulu taon i madung mate sudena patunda ni na so mangoloi parenta ni Tuhan. Jana hombar tu sumpa ni Tuhan, nada diisinkon Tuhan halahi marnida tano na makmur jana na napu i na nijanjihon ni Tuhan tu ompu na umpompar halahi.

JOSUA 8:32

Disuratkon si Josua ma disi, disaksihon angka halak Israel, di angka batu ni langgatan i salinan ni angka uhum ni Tuhan na dapot di bagasan Buku Ni si Musa.