PANGARATAION 26:2 - BIBEL JAMITA NA DENGGAN

² angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

PANGARATAION 26:2 Iomraidhean Croise

2 RAJA-RAJA 4:42

Dung salpu i, ro ma sahalak sian Baal-Salisa. Diboan ia ma tu si Elisa dua pulu roti na dipature sian gandum patumona ni na nikarejohon, dohot saotik gandum na baru disabi di bagasan hadangan. Dung i didok si Elisa ma, “Lehen ma i tu halak na bahat on, anso mangan halahi.”

2 JUJUR TAON 31:5

Dibaen ma boa-boa ni parenta i, jadi dioban halak Israel ma tu angka malim i silehen-lehen na sian suha ni tano ni halahi na parjolo: Jaung, anggur, miak zetun, aer ni loba dohot suha na asing-asing. Di halak Levi dioban halahi ma saparsampulu bagian sian sinadongan ni halahi.

NEHEMIA 12:44

Ditugaskon do di hatiha i sanga na piga halak mangawasi angka kamar simpanan inganan ni angka sumbangan tu Bagas Ni Tuhan, masuk ma disi haul parsampuluan dohot gandum maradu parbatu ni suan-suanan na parjolo malamun ganop taon. Angkon palaguton ni angka pangawas i do sumbangan-sumbangan i sian angka ladang na di humaliang ni angka kota. Dipasahat ma sumbangan i tu angka malim dohot angka halak Levi, hombar tu aturan ni Uhum. Diargahon halak Juda do angka malim i dohot halak Levi,

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 23:16

Pestahon hamu ma Pesta Gotilon di na mamungka mambuat patumonaan ni suha ni suan-suananmunu hamu. Pestahon hamu ma dohot Pesta Bandar Bulung-bulung ganop ujung ni taon di na mamutik suha ni kobun anggur sanga kobun suan-suanan na marbatu hamu.

HARURUAR 23:19

Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

JEREMIA 2:3

Hatiha i badia do Israel di Tuhan, songon parbatu patumonaan sian suha ni tanoNa. Sude halak na mangankon i gabe marsala, hona parmaraan ma halahi, songon i ma hata ni Tuhan.”

JEHESKIEL 20:40

Angke di tano Israel, di puncu ni dolokKu na badia i, hamu sude bangso Israel, disi ma sombaonmunu Au. Disi ma sonang rohangKu mida hamu jana Hupangido hamu maroban tu Au angka haulmunu na dumenggan dohot angka silehen-lehenmunu na gabe hapunjunganKu.

JEHESKIEL 44:30

Angkon bagian na dumenggan do lehenon di angka malim sian sude ragam ni suha patumonaan ni suan-suanan, dohot sian sandok na dihaulkon tu Au. Ganop mambaen roti bangso Israel, anggo roti na parjolo dibaen i bagian ni malim do i. Jadi gabe pasupasuonKu ma angka bagas ni bangso Israel.

JEHESKIEL 48:14

Sanjongkal pe sian tano i nada tola gadison ni halahi sanga tukarkononna; tano na dumenggan sian tano Israel nada tola martukar i tu halak na asing, angke na dung ditontuhon do i gabe hapunjungan ni Tuhan jana gabe nampunaNia.

HAMALIMON 2:12

Deba sian gandum na nisabi parjolo ganop taon, angkon obanonmunu sisombahonon tu Tuhan. Nada situtungon gandum i di ginjang ni langgatan.

HAMALIMON 2:14

Muda marhaul hamu tu Tuhan sabagian sian gandum na parjolo nisabi, oban ma gandum na dung disaok sanga na dung diduda.

SURAT NI SI PAULUS TU PARLAGUTAN ROM 11:16

Muda badia patumonaan i, na badia do muse sude sipanganon i; jana muda badia urat i, na badia do muse dangkana.

SURAT NI SI PAULUS TU PARLAGUTAN ROM 16:5

Laing pabolkas hamu ma tabengku tu parlagutan na marpungu di bagas ni halahi i. Tabe tu haholongan ni rohangku si Epenetus. Ia ma na parjolo porsaya tu Kristus di Luat Asia.

SURAT NI SI PAULUS TU PARLAGUTAN ROM 8:23

Tapi nada hum i sajo, dohot do hita manjagit patumonaan ni Tondi i, humolos muse do hita di bagasan rohanta huhut painte-intehon hadakdanahan i, i ma haluaan ni pamatangta.

1 KORINTUS 15:20

Hape anggo satutuna madung dipangolu mangulahi Kristus sian hamatean, songon siangkaan sian angka halak na dung mate. Jana on ma jaminanna, paboa na pangoluon do mangulahi angka jolma na dung marmatean i.

1 KORINTUS 15:23

Tapi marguru tu aturanna be do nipangolu halahi: Na parjolo Kristus; dung i angka na dung nampuna ni Kristus di hatiha haroroNia.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

PANGARATAION 16:10

dung i pestahon hamu ma Pesta Gotilon laho pasangapkon Tuhan Debatamunu. Oban hamu ma di ari i haul sian na nionjar ni roha tuSia marguru tu bahat ni rasoki na nilehenNia di hamu.

PANGARATAION 18:4

Patumonaan ni suha ni gandum, anggur, miak zetun dohot imbulu ni biri-biri, laing di halahi ma i.

PANGARATAION 26:1

“Muda dung dibuat hamu tano na giot silehenon ni Tuhan i tu hamu, jana dung maringanan hamu disi,

PANGARATAION 26:3

Dapotkon hamu ma malim na markarejo di hatiha i, jana dokkon ma tu malim i, ‘Na patorangkon ma au tu Tuhan Debatangku paboa na dung masuk do au tu tano na nijanjihonNa i tu ompunta silehenonNa di hita.’

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

JOSUA 18:1

Dung dipatunduk halak Israel luat na nijanjihon ni Tuhan i, marlagut ma sude bangso i di Silo; dipasang halahi ma Bandar Parmianan Ni Tuhan.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.