Angka malim, hum bujing-bujing ni Israel na torang habujingonna do na tola buaton ni halahi, sanga tading-tadingan ni donganna malim. Nada tola buaton ni halahi boru na disirangkon.
Sada malim nada tola marbagas dohot dadaboru siboru jalang sanga mambuat dadaboru na so bujing-bujing be sanga na sirang, angke hapunjunganKu do nampuna malim.
Tapi boru ni malim na dung marando sanga na disirangkon tapi nada adong anakna, jana madung mulak tu bagas ni amangna jana ngolunia margantung tu halahi tola do mangankon sanga aha pe na nijagit ni amangna sian hamalimon. Hum sabagas ni malim i do na tola mangankon haul sisongon i.
Tapi anggo saonnari Au mandok di hamu: Sanga ise na manyirangkon dadaboruna, asing ni na manyimbil dadaborunia i, bayo i do na mambaen gabe markarosuan dadaborunia i, muda marbagas ma anakboru i. Bayo na mambuat anakboru na songon i pe dohot do i markarosuan.”
Didok Jesus ma tu halahi, “Sanga ise halaklahi na manyirangkon dadaboruna gabe marbagas ia dohot dadaboru na asing, na markarosuan do ia maradopkon dadaborunia i.
Tapi muda giot sirang na so porsaya i sian daborunia i, sanga halaklahina na Kristen, sirang ma ia tusi. Anggo di pangalaho na songon on, bebas do hamu, harana ulang so dame hamu, i do hagiot ni Debata.
“Marbagas ma umpamana sada halaklahi dohot sada dadaboru, dung di pudian ni ari nada giot bayo i be anak boru i angke sala dadaboru i hara ni pangalahona na pailahon. Dung i dibaen bayo i ma surat sirang, dipasahat ia ma i tu anak boru i jana disuru ia kehe sian bagasnia i.
tapi bayo i pe nada giot ia muse be mamake anak boru i jana dibaen ia muse ma surat sirang jana dipasahat ia ma i tu anak boru i lalu disuru ia morot sian bagasnia i. Sanga mate ma umpamana halaklahinia na paduahon i.