Biblia Todo Logo
Bìoball air-loidhne

- Sanasan -




PANGARATAION 20:3 - BIBEL JAMITA NA DENGGAN

3 ‘Hamu angka donganku sabangso! Di ari sadari on, na giot kehe ma hamu marporang. Ulang hamu mabiar tu angka musumunu i, sanga lepe, sanga pe golap rohamunu.

Faic an caibideil Dèan lethbhreac




PANGARATAION 20:3
31 Iomraidhean Croise  

Gogo ni jolma do na adong disia, tapi anggo hita adong do Tuhan Debatanta laho mangurupi jana marporang humopkop hita.” Umbege hata ni raja ni halahi i, gabe barani ma rayat i.


Ma abis diluntak Na Markuaso i sude habaranionku. Mabiar do au hara ni Debata, jana nada i hara ni na golap bulita, haru pe hagolapan manghuliangi au jana manggupgupi bohingku.


Nada mabiar au hara ni alo na marribu na manghobuk au sian desa na walu.


Dialusi si Musa ma, “Ulang hamu mabiar! Martahan ma hamu, idaonmunu ma sanga aha sibaenon ni Tuhan laho paluahon hamu sadari on; nada idaonmunu be halak Mesir i.


Hara ni i songon on ma didok Tuhan Debata, “BaenonKu ma ojahan na togu jana na tohong di Sion; di gincat ni batu parsuhi na arga i suratkononKu ma: ‘Haporsayaan na togu, padao ganggu ni roha.’


Dokkon ma tusia: Patogu ma rohamu jana pasonang, ulang ma mabiar sanga puntol rohamu, hara ni surpu ni api na dua i, i ma hamumuruk ni si Resin dohot Aram dohot anak ni si Remalya.


Ulang alo hamu Tuhan i, jana ulang mabiar hamu mida halak na maringanan disi. Momo do aloonta halahi, nada he Tuhan i do donganta, jana taluhononNia do angka debata na manjago halahi. Hara ni i ulang ma mabiar.”


“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.


Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.


Jadi hara ni i, ulang mabiar hamu! Ummarga do hamu ulang pado amporik i.”


Ninna Jesus ma tu halahi, “Ale hamu na menek haporsayaan, biasi he mabiar hamu?” Dung i jongjong ma Jesus manyonggak alogo dohot ombak i. Gabe so ma manigor alogo i.


Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”


Didok doli-doli i ma, “Ulang mabiar hamu! Huboto do na manjalahi Jesus halak Nasaret na diparsilangkon i do hamu. Inda dison be Ia. Madung dipangolu Ia mangulahi! Ligi hamu ma, disindi hian do bangkeNia dipayakkon.


Didok surusuruan i do tu au songon on, ‘Ulang ho mabiar Paulus! Angke tulus do ho mangadop tu Kesar i. Jana hara ni denggan ni roha ni Debata maradopkon ho, gabe malua do sude donganmu sakapal hara ni ho,’ ninna.


Ligi ma, indu ma di adu tano na nilehen ni Tuhan Debatamu tu ho. Kehe ma hamu mangingani tano i songon na niparentahon ni Tuhan, i ma Debata na nisomba ni ompumu. Ulang mabiar rohamunu sanga mandele.’


“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.


Painte so dipungka hamu porang i, angkon jolo maju ma tu jolo sada halak malim mandok hata tu tentaramunu mandok songon on,


Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.


Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.


Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”


Ganop halak sian tonga-tongamunu tolapsa do manaluhon marribu halak, angke Tuhan Debatamunu do antong na marporang di hamu, laing songon na nijanjihonNa i.


Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.


Didok si Daud ma tu si Saul, “Nada pola mabiar hita mida halak Pilistin da rajanami! Maralo ma au dohot ia.”


Lean sinn:

Sanasan


Sanasan