PANGARATAION 2:7 - BIBEL JAMITA NA DENGGAN

⁷ Ingot hamu ma sanga songon dia pamasumasu ni Tuhan Debatamunu di hamu di bagasan sasude na nibaenmunu. Madung diparmudu-mudu Ia hamu salolot na madang-adang mamolus parhorsihan na bolak i. Madung didongani Ia hamu di na opat pulu taon on jana dipasingkop Ia sandok na hasaya di hamu.

PANGARATAION 2:7 Iomraidhean Croise

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

PAMUNGKAAN 26:12

Disabur si Ishak ma same ni suan-suanan di luat i, jana di bagasan taon i dapot ia ma suhana saratus lompit sian na nisaburnia i, dibaen dipasupasu Tuhan do ia.

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

PAMUNGKAAN 39:3

Diida tuannia, na nidonganan ni Tuhan do si Josep jana sai manjadi do sude na nikarejohon ni si Josep dibaen Tuhan.

PAMUNGKAAN 39:5

Mamungka sian hatiha i, hara ni si Josep, dipasupasu Tuhan ma halak Mesir na sabagas i dohot sude sinadongannia na di bagas sanga pe na di ladang.

NEHEMIA 9:21

Salolot opat pulu taon di padang halongonan, dipatuk Ho do di halahi haporluan. Nada sego pakean ni halahi, nada hancit pat ni halahi sanga marbosari.

JOB 23:10

Hape anggo Ia laing tangkas do diSia dalan sibolusonku, dohot sude na hulangkahon maradu pambaenanku. Sugari niuji au songon sere, angkon tanda ma tarida di iba ias ni ate-ate.

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

MASMUR 107:4

Adong ma i na marpinda-pinda di padang na bidang, na so dapot dalan mulak tu inganan di kota.

MASMUR 31:7

Marjop ni roha ma au jana marmoga-moga, angke sai tong do holong rohaMu di iba. Diida Ho do pardangolanku jana diboto Ho do hasusaanku.

MASMUR 90:17

Ale Tuhan Debatanami, pasupasu ma hami, anso manjadi sude karejonami.

HARURUAR 16:35

Manna i ma gabe panganon ni halak Israel, opat pulu taon honokna, lopus bolkas halahi tu Kanaan, inganan na hot di halahi. (

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

HOSEA 13:5

Di tano na harsang di padang halongonan, Au do na manjagohon hamu.

AMOS 2:10

Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.

BILANGAN 1:1

Di tanggal sada bulan dua di taon paduahon dung ditinggalkon halak Israel tano Mesir, manghatai ma Tuhan tu si Musa di bagasan Bandar Parmianan Ni Tuhan di Parhorsihan Sinai.

BILANGAN 14:33

Manjalahi panganon di halongonan ma anakmunu opat pulu taon honokna. Hara ni na so mangoloi hamu, gabe anakmunu manaon, lopus mate sude jolma na parpudi sian hamu.

BILANGAN 14:34

Angkon taononmu ma panginona ni dosamunu opat pulu taon lolotna, sataon gonti ni sadari sian na opat pulu ari hamu mangaliati tano i. Botoonmunu sanga na bia daina, muda Au mangalo hamu!

BILANGAN 22:12

Didok Debata ma tu si Bileam, “Ulang kehe ho dohot halahi, dung i ulang burai halak Israel, angke madung Hupasupasu halahi.”

BILANGAN 32:13

Muruk do Tuhan i tu halak Israel gabe dipadiar Ia halahi di halongonan i pola opat pulu taon honokna, lopus abis na sansundut na mangalo i marmatean.

LUKAS 22:35

Dung i didok Jesus ma tu halahi, “Nabaruon dompak Husuru hamu na so Hupaloas do maroban dompet, huncang sanga sipatu, adong he bagi aha hurang di hamu?” “Nada adong na hurang,” ning halahi mangalusi.

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

PANGARATAION 1:19

“Dung i tapatulus muse ma sanga aha na niparentahon ni Tuhan tu hita. Tatadingkon ma Dolok Sinai, lalu mardalan hita mamolus parhorsihan na bidang jana na jorbut i laho tu luat partoran ni halak Amori. Di na lalu hita di Kades-Barnea,

PANGARATAION 1:46

Dung salpu i, lolot sajo ma hita maringanan di Kades.”

PANGARATAION 2:14

I ma na masa di taon patolu pulu salapankon dung tatadingkon Kades-Barnea. Madung marujung ngolu ni sude tentara na sangoncap i, songon na nilumbahon ni Tuhan humani.

PANGARATAION 2:6

Tola do hamu manobusi panganon dohot inumon sian halahi.’

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.

PANGARATAION 29:5

Opat pulu taon lolotna dipimpin Tuhan hamu di parhorsihan, hapengani nada mumut pakean dohot sandalmunu.

JOSUA 5:6

Boti muse, angka halaklahi na haruar sian Mesir na dung tuk umurna masuk tentara, di ujung ni ombas siopat pulu taon i madung mate sudena patunda ni na so mangoloi parenta ni Tuhan. Jana hombar tu sumpa ni Tuhan, nada diisinkon Tuhan halahi marnida tano na makmur jana na napu i na nijanjihon ni Tuhan tu ompu na umpompar halahi.