PANGARATAION 18:3 - BIBEL JAMITA NA DENGGAN

³ Muda adong sada halak manghaulkon lombu sanga biri-biri, jadi hae jolo, isang-isang dohot butuha ni pahan-pahanan i dipasahat ma i tu angka malim baen di halahi.

PANGARATAION 18:3 Iomraidhean Croise

HARURUAR 29:27

Di upacara pangangkatan ni malim, andora dohot hae-hae ni biri-biri na nipake di upacara i angkon nihaulkon tu Au gabe haul na mardohoan jana nipainding ma i bagian ni malim.

HARURUAR 29:28

HaputusanKu do on na so tola ubaon: Di na ro bangsongKu manghaulkon haul pardonganan, andora dohot hae-hae ni pahan-pahanan i, gabe bagian ni angka malim. I ma haul ni bangsongKu di Au, Tuhan.

HAMALIMON 22:7

Dung lusut mataniari, ias ma ia jana tola ma dipangan ia haul na badia i angke i do panganonnia.

BILANGAN 18:11

Songon tambana, sude silehen-lehen na mardohonan na asing na dihaulkon ni halak Israel di Au, laing bagianmu do i. Au mangalehen di ho, di angka anakmu halaklahi, di angka borumu. Jana ro di salolot-lolotna do paraturan on. Sude halak na di bagas i na dung ias mangihutkon ugamo tola do mangankonsa.

BILANGAN 18:12

Hulehen di ho sude na dumenggan sian suha ni tano parjolo na dihaulkon halak Israel di Au ganop taon, miak zetun, aek ni anggur dohot gandum.

PANGARATAION 12:27

Angka haul na abis ditutung dohot angka haul na nipangan juhutna, angkon haulkononmunu do i di ginjang ni langgatan ni Tuhan jana mudarna i niduruskon tu ginjang ni langgatan i.