PANGARATAION 13:2 - BIBEL JAMITA NA DENGGAN

² na martujuan anso marsomba hamu sanga mangoloi tu angka debata na so nisombamunu humani hatiha na salpu, haru pe tutu-situtu tarjadi na nijanjihonnia i,

PANGARATAION 13:2 Iomraidhean Croise

1 RAJA-RAJA 13:3

Didok panurirang i muse ma, “Magargar ma langgatan on, jana use ma abuan na di ginjangna i. I ma tandana paboa na tutu disuru Tuhan au.”

HARURUAR 22:19

Ganop na marcampur dohot binatang, angkon bunuon.

HARURUAR 7:22

Tapi laing dibaen angka parelmu ni raja i muse do songon i marhite elmu sihir ni halahi, gabe sai jogal ma roha ni raja i. Laing songon na nidok ni Tuhan, na so ra do raja i manangihon si Musa dohot si Harun.

JEREMIA 23:32

Au Tuhan, giot aloonKu do angka panurirang i na palaluhon angka nipina na gok gabus. Dipalilu halahi do bangsongKu marhite gabus dohot buras ni halahi. Nada Au marsuru angka panurirang i. Nada marguna halahi saotik pe anggo di bangsongKu. Au Tuhan, madung mandok songon i.”

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

JEREMIA 28:9

Tapi anggo panurirang na mangalatkon hadamean, bolas do i niokuan songon panurirang na tutu situtu disuru Tuhan, muda tangkas tarjadi angka pangalaho na nialatkonnia i.”

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

PANGARATAION 13:13

mandok adong piga-piga halak na jahat sian bangsomunu na mangaliluhon halak pangisi ni hutana i laho marsomba angka debata na so nisombamunu hian dope na saidanna i.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 18:22

Muda manghobari sada panurirang mamake goar ni Tuhan, hape nada tulus masa na nidoknia i, nada sian Tuhan ro tona i. Sian goarna sandiri do manghobari panurirang i, jana ulang pola mabiar hamu tusi.”