PANGARATAION 13:1 - BIBEL JAMITA NA DENGGAN

¹ Ampot adong sada panurirang sanga sada halak na sai tagi patorangkon nipi manjanjihon tanda hahomangan

PANGARATAION 13:1 Iomraidhean Croise

1 RAJA-RAJA 13:18

Gabe margabus ma panurirang na matobang na sian Betel i didok ma tusia, “Au pe laing panurirang do songon ho. Na dung diparentahon Tuhan do sahalak surusuruan marsuru au mangalap dohot manjagit ho di bagasku.”

1 RAJA-RAJA 13:19

Gabe diihutkon panurirang na sian Juda i ma dohot tu bagas ni panurirang na matobang i jana dohot ma ia mangan.

PODA 30:6

Muda ditambai ho na nidokNia, gabe hona gora ho baenonNia jana buktihononNia bahaso na margabus ho.”

JESAYA 9:15

Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!

JEREMIA 23:11

Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEREMIA 23:32

Au Tuhan, giot aloonKu do angka panurirang i na palaluhon angka nipina na gok gabus. Dipalilu halahi do bangsongKu marhite gabus dohot buras ni halahi. Nada Au marsuru angka panurirang i. Nada marguna halahi saotik pe anggo di bangsongKu. Au Tuhan, madung mandok songon i.”

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

JEREMIA 29:24

Tuhan Na Markuaso i, Debata ni Israel mangalehen tona sipasahatonku tu si Semaya halak Nehelam, hara ni na dung ditongos ia surat mamake goarnia sandiri tu sude halak na maringanan di Jerusalem, tu Malim Zepanya anak ni si Maaseya dohot tu angka malim na asing. Songon on dibaen si Semaya di bagasan surat i tu si Zepanya:

JEREMIA 29:26

“Madung diangkat Tuhan ho gabe malim manggontihon si Joyada, jana ho noma saonnari na gumincat pangkatna di Bagas Ni Tuhan. On do karejomu: Mamarentahon anso dibaen rante bosi tu rungkung ni sandok halak na rintik na mandok dirina panurirang.

JEREMIA 29:8

Au Tuhan Na Markuaso, Debata ni Israel, Hupaingot hamu anso ulang dipaoto-oto angka panurirang na maringanan di tonga-tongamunu i hamu, sanga ise pe tehe na mangoku bahaso na malo halahi mangalehen alatan taringot tu hatiha na giot ro. Ulang parrohahon hamu angka nipi ni halahi.

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

JEHESKIEL 13:23

Anggo saonnari marujung noma angka parnidaan gabus dohot angka alatanmunu na so tutu i. PaluaonKu ma bangsongKi sian gogo ni hajahatanmunu. Jadi gabe botoonmunu ma bahaso Au do Tuhan.”

ZAKARIA 10:2

Mangido angka panogu-noguon do halak tu angka gana-ganaan dohot angka datu, hape anggo alus na dapot ni halahi hum gabus do dohot hata na rumar sajo. Adong ma i na patorangkon nipi, hape na palilu-liluhon hamu sajo do hatorangan ni halahi, jana apo-apo na nilehen ni halahi pe nada adong artina. Patunda ni i gabe marserak ma jolma i songon biri-biri na lilu. Targogot do halahi hara ni na so adong pamimpinna.

ZAKARIA 13:4

Di hatiha i maila ma angka panurirang hara ni parnidaanna songon sada panurirang, nada adong be sian halahi na mamake baju juba na marimbulu giot margabus.

MATEUS 24:11

Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

LUKAS 6:26

Marjaya ma hamu muda sude halak mamuji hamu; angke songon i do angka panurirang panipu najolo dipapuji-puji angka ompung ni halahi.”

PANGARATAION 18:20

Tapi muda adong sada panurirang na puluk palaluhon tona mamake goarKu, hape nada na Husuru ia mambaen songon i, angkon mate do ia hara ni pangalahona i, laing songon i muse do angka panurirang na manghatahon hata ni debata na asing.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

2 TESSALONIKA 2:9

Sian parkarejoan ni Sibolis, tarida ma Jolma Na Jahat i di bagasan kuasonia na godang. Baenonnia ma angka tanda hahomangan marragam rupa dohot angka pangalaho na luar biasa mardongan sipaoto-oto.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.