PANGARATAION 10:2 - BIBEL JAMITA NA DENGGAN

² Giot suratonKu di batu i angka hata na Husuratkon di batu na nitaporkonMi, dung i angkon pamasuhonMu ma i tu bagasan poti i.’

PANGARATAION 10:2 Iomraidhean Croise

1 RAJA-RAJA 8:9

Di bagasan Poti Parjanjian i nada adong bagi aha asing ni na dua batu. Madung dipamasuk si Musa hian do batu i di Dolok Sinai, di na nibaen ni Tuhan i janji dohot bangso Israel dompak di pardalanan ni halahi haruar sian Mesir.

2 JUJUR TAON 5:10

Nada adong bagi aha di bagasan Poti Parjanjian i asing sian dua batu. Na dipamasuk ni si Musa do tusi batu i di Dolok Sinai, di na mambaen janji Tuhan dohot Israel dompak na mardalan dope halahi ruar sian Mesir.

HARURUAR 32:19

Jana dung donok ia tu parbandaran i, diida ia ma anak ni lombu i dohot halak na manortori, gabe muruk sajo ma si Musa; didanggurkon ia ma batu si dua lambar i sian tangannia jana ditaporkon ia ma tu pat ni dolok i.

HARURUAR 34:1

Didok Tuhan ma tu si Musa, “Tuhil ma jolo dua batu sarupa dohot na parjolo i, giot suratonKu di batu i sude hata na adong di batu na parjolo na nitaporkonmi.

HARURUAR 40:20

Dung i dibuat ia ma batu na dua karambar i jana dipamasuk ia ma i tu Poti Parjanjian. Porsan-porsan ni Poti i disurukkon ia ma tu bagasan golang-golang pamorsananna lalu dipasang ma tutupna di ginjang.

PANGARATAION 10:5

mulak ma au manigor manuat sian dolok i. Dung salpu i, hombar tu na niparentahon ni Tuhan, hupamasuk ma batu na dua i tu bagasan poti na hubaen i – jana lopus saonnari laing disi do batu i.” (

PANGARATAION 4:13

Disi do dipabotohon Ia tu hamu sanga aha sipatupaonmunu laho manggohi parjanjian na nibaenNia dohot hamu. Parenta na sampulu na nisuratkonNia tu batu na dua hoping i angkon oloanmunu do.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.