PANGARATAION 1:8 - BIBEL JAMITA NA DENGGAN

⁸ Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 1:8 Iomraidhean Croise

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PAMUNGKAAN 15:18

Laing di hatiha i ma dibaen Tuhan parjanjian dohot si Abram. Ninna Tuhan ma, “Marjanji ma Au laho mangalehen tano on sudena di pomparanmu, mamungka sian batas ni Luat Mesir lopus tu Batang aek Efrat,

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

HARURUAR 33:1

Didok Tuhan ma tu si Musa, “Mardalan ma ho sian on rap dohot bangso na niuluhonmu ruar sian Mesir, tu luat na Hujanjihon mardongan sumpa tu si Abraham, si Ishak dohot si Jakob dohot tu pomparan ni halahi.

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

JEHESKIEL 47:14

Na dung Husumpahon do na giot lehenonKu tano i tu ompumunu. Hara ni i, buat ma tano i jana bagi-bagi ma i tigor di hamu be.

BILANGAN 14:23

On pe, nada tola masuk halahi tu luat i. Sian tonga-tonga ni halahi na so mangoloi Au, umpe sahalak tarbaen mandegehon patna tu tano i.

PANGARATAION 1:11

Sai mur ditambai Tuhan Debata ni ompumunu ma nian bahatmunu lalu tu saribu lompit jana dipasupasu ma hamu songon na nijanjihonNa i!

PANGARATAION 1:35

‘Sahalak pe sian na sasundut na jahat on nada tola masuk tu luat na dung Hujanjihon i tu ompumunu.

PANGARATAION 10:11

Dung i disuru Ia ma au kehe laho mamimpin hamu anso bolas hamu gabe nampuna tano na dung dijanjihonNia tu ompumunu.”

PANGARATAION 11:24

Sude tano na nidege ni patmunu i gabe hamu nampunasa. Manggistang ma tanomunu sian parhorsihan na di Selatan lopus tu Pardolohan Libanon di Utara, dohot sian Batang aek Efrat di Habincaran lopus tu Laut Tonga di Hasundutan.

PANGARATAION 11:9

Jana lolot muse ma hamu mangolu di tano na mora boti na napu i na dung dijanjihon Tuhan tu ompumunu dohot tu pomparan ni halahi.

PANGARATAION 2:29

lopus hami taripari Batang aek Jordan laho mamasuhi tano na giot silehenon ni Tuhan Debatanami tu hami. Pomparan ni si Esau na maringanan di Edom dohot halak Moab na maringanan di Ar, madung mangisinkon hami mamolus luat ni halahi.’

PANGARATAION 26:15

Sian ingananMu na badia i di banua ginjang, sai lomo ma rohaMu manatap dohot mamasumasu bangsoMu Israel, laing pasupasu muse ma tano na mora jana na napu na dung nilehenMu di hami, hombar tu janjiMi tu ompunami.’ ”

PANGARATAION 26:3

Dapotkon hamu ma malim na markarejo di hatiha i, jana dokkon ma tu malim i, ‘Na patorangkon ma au tu Tuhan Debatangku paboa na dung masuk do au tu tano na nijanjihonNa i tu ompunta silehenonNa di hita.’

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

PANGARATAION 29:12

Sadari on marlagut do hamu sude dison laho mamudun janji na giot baenon ni Tuhan Debatamunu dohot hamu songon i muse laho manjagit angka na patut sikarejohononmunu.

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 31:7

Dung i dipio si Musa ma si Josua, jana di jolo ni sude bangso Israel i didok si Musa ma tusia, “Sai pos ma rohamu jana barani, ale Josua! Ho noma na mamimpin bangso on laho mambuat tano na dung dijanjihon ni Tuhan i tu ompu ni halahi.

PANGARATAION 34:4

Dung i didok Tuhan ma tu si Musa, “On ma da tano na Hujanjihon i tu si Abraham, si Ishak dohot si Jakob sipasahaton tu pomparan ni halahi. Hupatidahon do i tu ho Musa, tapi nada Hupatola ho kehe tusi.”

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 6:10

“Na dung dijanjihon Tuhan Debatamu do tu ompumu si Abraham, si Ishak dohot si Jakob laho mangalehen tu ho sada luat rap dohot angka kota na godang jana na jeges, jana nada ho na pajongjongkonsa.

PANGARATAION 7:12

“Muda sai diparate-atehon hamu do angka parenta on, jana dihaburjuhon hamu mangoloisa, gabe setia muse ma Tuhan Debatamunu i tu parjanjian na nibaenNia dohot hamu. PatuduhononNia ma holong ni rohaNia na manongtong i tu hamu, songon na nijanjihonNia tu ompumunu.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

PANGARATAION 8:1

“Sude aturan na Hulehen tu hamu sadari on, haburjuhon hamu ma mangoloi i, anso hot hamu mangolu, martamba bahat dohot maringanan di tano na nijanjihon ni Tuhan tu ompumunu.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

IBRANI 6:13

Di na marjanji Debata tu si Abraham, marsumpa do Ia tu diriNia sandiri, harana nada adong na gumincat sian Ia.

IBRANI 6:14

Didok Ia, “Sasintongna, pasupasuonKu ma ho jana baenonKu ma bahat pomparanmu.”

JOSUA 1:6

Sai marpos ni roha ma ho jana ulang mabiar, angke ho do na mamimpin bangso on di na giot buaton ni halahi luat na dung Hujanjihon tu ompu na umpompar halahi.

HAKIM-HAKIM 2:1

Kehe ma Surusuruan Ni Tuhan sian Gilgal tu Bokim jana didok ma tu angka halak Israel, “Madung Huparuar hamu sian Mesir jana Huoban hamu tu tano na dung Hujanjihon tu ompungmunu. Madung Hudok muse, ‘Nada gotapkononKu pudun-pudun ni janji antara Au dohot hamu.