PANGARATAION 1:11 - BIBEL JAMITA NA DENGGAN

¹¹ Sai mur ditambai Tuhan Debata ni ompumunu ma nian bahatmunu lalu tu saribu lompit jana dipasupasu ma hamu songon na nijanjihonNa i!

PANGARATAION 1:11 Iomraidhean Croise

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 49:25

Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

2 SAMUEL 24:3

Tapi didok si Joab ma tu raja i, “Sai marlompit ganda ma nian rayat ni Israel on dibaen Tuhan Debata ni raja i lopus saratus lompit sian bahat ni halahi na saonnari, jana sai laing mangolu nian raja i marnida i. Tapi na giot tu aha ni raja i dehe pamilangion on?”

1 JUJUR TAON 21:3

Dialusi si Joab ma, “Sai mur dipabahat Tuhan ma nian rayat ni Israel lopus saratus noli sian bahat ni na adong saonnari. Nada he madung tangkas tunduk halahi tu daulat i? Jadi ia boti aha do gunana baenon sensus on? Naron, hara ni na sala i, gabe sude lalu bangso on mangaesa!”

MASMUR 115:14

Sai dilehen Tuhan ma di hamu dohot anak sisuan bulu, sai mur martamba-tamba ma nian pomparanmunu.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JEHESKIEL 16:7

jana simbur magodang songon suan-suanan di ladang. Tibu do ho magodang jana tuk umurmu, hatiha haposoonmu pe madung salpu. Jadi tolmok ma adopmu, tubu ma obukmu, tapi salangsalang do ho.

BILANGAN 22:12

Didok Debata ma tu si Bileam, “Ulang kehe ho dohot halahi, dung i ulang burai halak Israel, angke madung Hupasupasu halahi.”

BILANGAN 6:27

Dung i didok Tuhan, “Muda didok halahi goarKu mamasumasu bangso Israel pasupasuonKu ma halahi.”

PANGARATAION 1:10

madung martamba bahatmunu dibaen Tuhan Debatamunu sabahat ni bintang na di langit.

PANGARATAION 1:12

Tapi bia ma he parjadina anggo sasada au do mamorsan tanggung jawab na borat on laho paturehon sude parkaromunu?

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 10:22

Di na kehe ompumunu tu Mesir, hum pitu pulu halak do bahat ni halahi. Hape dibaen Tuhan Debatamunu do bahat ni bilangan ni halahi sabahat ni angka bintang na di langit i.”

PANGARATAION 28:62

Haru pe na dung sabahat ni bintang na di langit bilanganmunu, hum saotik sajo noma na tinggal mangolu, hara ni na so mangoloi hamu tu Tuhan Debatamunu.