PANGARATAION 1:1 - BIBEL JAMITA NA DENGGAN

¹ Di buku on tarsurat do angka hata na nipasahat ni si Musa tu bangso Israel dompak di halongonan na di Habincaran ni Batang aek Jordan halahi. Di Rura Jordan na di lambung ni kota Sup do halahi topet, di holang-kolang ni kota Paran di sada ipar dohot kota Tafel, Laban, Haserot dohot Di-Zahab sabariba nari. (

PANGARATAION 1:1 Iomraidhean Croise

PAMUNGKAAN 21:21

Dipabagas inangnia ma ia dohot sada boru Mesir.

1 RAJA-RAJA 11:18

Kehe ma halahi sian Midian, lalu ma tu Paran, jana disi ma marsuo halahi dohot halak na asing deba nari jadi udur ma halahi tu Mesir mandapotkon raja Mesir. Dilehen raja i ma tu si Hadad bagas dohot tano baen inganannia dohot haroroan ni ngolu-ngolunia.

HABAKUK 3:3

Ro do Debata sian Luat Teman, jana Na Sun Badia sian Dolok Paran. Ditutupi hamuliaonMu do langit; tano on gok puji-pujian di goarMu.

BILANGAN 10:12

Halak Israel pe mamungka ma mardalan ruar sian Parhorsihan Sinai. Dung bolkas tu Parhorsihan Paran, maradian ma ombun i.

BILANGAN 11:35

Sian i pinda ma halahi tu huta Haserot lalu marbandar disi.

BILANGAN 12:16

Dung i ditinggalkon halahi ma Haserot, marbandar ma halahi di Parhorsihan Paran.

BILANGAN 13:26

Dipaboa halahi ma i tu si Musa, si Harun dohot tu sude halak Israel na marlagut di Kades di Parhorsihan Paran. Dibaritahon halahi ma angka na niida ni halahi. Batu ni hayu na nioban ni halahi dipatidahon halahi ma tu halak Israel.

BILANGAN 13:3

Di patulus si Musa ma parenta ni Debata, sian Parhorsihan Paran i ditongos ia angka na gabe mata-mata, i ma pamimpin na nidok dison: MARGA PAMIMPINNA Ruben Samua anak ni si Zakur Simeon Safat anak ni si Hori Juda Kaleb anak ni si Jefunne Isakar Jigal anak ni si Josep Efraim Hosea anak ni si Nun Benyamin Palti anak ni si Rafu Zebulon Gaddiel anak ni si Sodi Manase Gadi anak ni si Susi Dan Amiel anak ni si Gemali Aser Setur anak ni si Mikael Naftali Nahbi anak ni si Wofsi Gad Gauel anak ni si Maki

BILANGAN 32:19

Nada buatonnami di hami saotik pe sian tano na di bariba ni Batang aek Jordan, harana madung hami jagit bagiannami dison di Habincaran ni Batang aek Jordan on.”

BILANGAN 32:32

Mardongan Tuhan i, tariparannami ma Batang aek Jordan laho marporang anso tarpartahankon hami siteanonnami dison, di Habincaran ni Batang aek Jordan on.”

BILANGAN 32:5

pangidoannami anso dilehen tano i di hami gabe teanonnami. Ulang be suru hami kehe taripar Batang aek Jordan.”

BILANGAN 33:20

Sian Rimon Peres marbandar ma halahi di Libna.

BILANGAN 33:21

Sian Libna marbandar ma halahi di Risa.

BILANGAN 34:15

Tano ni halahi, i ma di Habincaran ni Batang aek Jordan paipar-ipar dohot Jeriko.”

BILANGAN 35:14

tolu di Habincaran ni Batang aek Jordan, tolu nari di tano Kanaan.

PANGARATAION 2:8

Hita pe antong mardalan do torus mamolus Luat Edom jana tatinggalkon dalan na sian kota Elat dohot Esion-Geber laho tu Laut Mate, lopus mangeldok hita tu Habincaran na tu Moab.

PANGARATAION 27:1

Dung i rap ma si Musa dohot angka pamimpin ni bangso i mandok tu bangso i, “Oloi hamu ma sude parenta na hulehen tu hamu di ari sadari on.

PANGARATAION 29:1

On ma hata ni parjanjian na niparentahon ni Tuhan baenon ni si Musa dohot bangso Israel taran di tano Moab halahi. Songon tamba ni parjanjian na nibaen ni Tuhan dohot halahi na di Dolok Sinai do parjanjian on.

PANGARATAION 31:1

Dipaudut si Musa mandok hata tu bangso Israel,

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

PANGARATAION 4:46

jana taran di rura na di Habincaran ni Batang aek Jordan, na patongtang dohot kota Bet-Peor. Si Sihon raja ni halak Amori humani do nampuna luat i, i ma na sanga mamarenta di kota Hesbon. Ditaluhon si Musa dohot bangso Israel ma ia di na haruar halahi sian Mesir.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

JOSUA 22:7

Salaho tu Marga Manase na satonga i, madung dilehen si Musa do bagian ni halahi di Basan, tapi tu na satonga nari dilehen si Josua tano na di Hasundutan Batang aek Jordan rap dohot angka kahanggina.

JOSUA 3:16

magotap ma manigor pardalan ni aek i. Dao di juluan marlagut ma aekna i di Adam, i ma sada kota donok tu kota Sartan. Aek na di jae na mardalan tu Laut Mate magotap ma i sude, lopus tarbaen halak Israel taripar di tano na mahiang tu inganan na di tongtang ni Jeriko.

JOSUA 9:1

Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus.

JOSUA 9:10

Bope sanga aha na nibaenNia tu sidua halak raja ni halak Amori di Habincaran ni Jordan, si Sihon raja ni Hesbon dohot si Og raja ni Basan na maringanan di Astarot.

1 SAMUEL 25:1

Nada sadia honok nari marujung mangolu ni si Samuel. Marlagut ma sude Israel jana tumatangis. Dung i dikuburkon ma ia di bagasnia di Rama. Dung i kehe ma si Daud tu Parhorsihan Paran.