NEHEMIA 9:8 - BIBEL JAMITA NA DENGGAN

⁸ Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.

NEHEMIA 9:8 Iomraidhean Croise

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 15:6

Porsaya do si Abram tu Tuhan, jana dietong ma i disia gabe hatigoran.

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

2 SAMUEL 22:31

Sanggam do pambaenan ni Debata, haposan do sude janjiNa. Songon panapik ni sinjata do Tuhan i di halak na maporus tuSia sandiri.

1 JUJUR TAON 1:14

Si Kanaan ma na umpompar bangso Jebusi, Amori, Girgasi,

1 JUJUR TAON 16:16

Dohot si Abraham do dibaen Ia janji i, tapi dohot do tu si Ishak,

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

NEHEMIA 9:33

Bonar do pambaenanMu, hami na mardosa diuhumi Ho laing setia do Ho haru pe hami gok tilako.

MASMUR 116:5

Na denggan do Tuhan i jana parasi roha; gok ibo ni roha do Debatanta.

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

JEHESKIEL 33:24

“Ale jolma parsantongkinan, didok angka jolma na maringanan di angka lobu ni parhutaan na di tano Israel i do, ‘Dapot si Abraham do sude tano on, hape sasada ia sajo do nian. Hita on songon i ma bahatta, jadi gabe hita noma nampuna on.’ ”

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’

PANGARATAION 26:3

Dapotkon hamu ma malim na markarejo di hatiha i, jana dokkon ma tu malim i, ‘Na patorangkon ma au tu Tuhan Debatangku paboa na dung masuk do au tu tano na nijanjihonNa i tu ompunta silehenonNa di hita.’

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

PANGARATAION 9:5

Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 11:17

Laing hara ni na porsaya, di na niuji ni Debata si Abraham, dipasahat si Abraham do si Ishak anakna i nihaulkon gabe haul. Haru pe madung dilehen tu si Abraham anak na nijanjihon ni Debata i; jana haru pe na dung didok Debata taringot tu dakdanak i, “Sian si Ishak on ma jagitonmu pomparan na Hujanjihon i tu ho,” haru songon i pe laing rade dope si Abraham pasahatkon anaknia na sasada i.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

JOSUA 11:23

Dirampas si Josua ma sude luat i songon na dung diparentahon ni Tuhan tu si Musa. Dung i dilehen ia ma luat i jana dibagi-bagihon tu bangso Israel gabe halahi puna; sabagian be ma ganop marga. Mantak muse ma bangso Israel na marporang i.

JOSUA 11:3

Laing disuru Raja Jabin muse do halak mandapotkon halak Kanaan na di Hasundutan dohot Habincaran ni Jordan, tu angka halak Amori, Het, Peris dohot tu angka halak Jebus na di luat pardolohan, maradu tu angka halak Hewi na di pat ni Dolok Hermon na di Luat Mispa.

JOSUA 23:14

Saonnari dumpang ma hatihana marujung ngolungku. Hamu sude – pasada-sada – diboto hamu do torang, na dung dilehen Tuhan do sandok na denggan na nijanjihonNia i. Pasada-sada na nijanjihonNia madung dipatulus Ia; umpe sada na so dipatulusSa.

JOSUA 9:1

Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.