NEHEMIA 9:7 - BIBEL JAMITA NA DENGGAN

⁷ Ho do Debata, Tuhan Na Sun Sasada. Dipili Ho do si Abram sian tonga-tonga ni bangsona. Ur di Babel madung tading dibaen ia, dibaen Ho sandiri do na mamimpinsa. Lalu dilehen Ho goar na imbaru disia: Mamungka sian i si Abraham noma dokkonon goarNia.

NEHEMIA 9:7 Iomraidhean Croise

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 15:7

Dung i didok Tuhan ma tusia, “Au ma da Tuhan na mangiring-iring ho ruar sian tano Ur na di Babilonia, anso Hulehen luat on gabe tanomu.”

PAMUNGKAAN 17:5

Nada be si Abram goarmu tapi si Abraham noma, angke madung Hupabangkit ho gabe ompu ni bahat bangso.

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

JESAYA 51:2

Ingot ma ompumu si Abraham dohot si Sara; nada mardakdanak dope si Abraham di na Hupio ia. Jadi Hupasupasu ia jana Hubasa-basahon anak, Hulehen disia pomparan na bahat.

PANGARATAION 10:15

Songon i ma godang ni holong ni roha ni Tuhan mida ompumunu, gabe hamu ma na nipiliNia jana nada bangso na asing jana lopus tu saonnari pe laing hamu do na tarpili gabe bangsoNia.