NEHEMIA 9:6 - BIBEL JAMITA NA DENGGAN

⁶ Dung i martangiang ma rayat ni Israel songon on, “Ho do antong Tuhan, ho do na sun sasada: Dijadihon Ho do bintang dohot sude angkasa. Songon laut dohot tano maradu sude isina. Lalu dilehen Ho ngoluna jana manyarihonsa. Sude kuaso na di langit marsomba sujud. Tunduk halahi tu Ho jana mangunduk.

NEHEMIA 9:6 Iomraidhean Croise

PAMUNGKAAN 1:1

Di mulana i ditompa Debata ma langit dohot tano.

PAMUNGKAAN 1:9

Dung i mangkuling ma Debata, “Marpungu ma aek na di toru ni langit i tu sada inganan, lopus tarida tano i” gabe jadi ma songon i.

PAMUNGKAAN 2:1

Songon i ma dipasidung sudena langit dohot tano bope isina sudena.

PAMUNGKAAN 32:2

Di na niida ni si Jakob angka surusuruan i, didok ia ma, “On ma parbandaran ni Debata.” Jadi digoari ia ma inganan i, Mahanaim.

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

2 RAJA-RAJA 19:15

Martangiang ma ia, ning ia, “O Tuhan, Debata ni Israel na maringanan di ginjang ni angka kerub, hum sasada Ho do Debata na mamarenta sandok harajaan di sisik ni tano on. Ho do na manjadihon langit dohot tano.

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

MASMUR 102:25

narobi ni narobi dijadihon Ho hasiangan; jana dohot tanganMu sandiri dibaen Ho rupa ni langit i.

MASMUR 103:21

Puji ma Tuhan, hamu sude angka na markuaso di banua ginjang, sude naposoNia na mandalankon hagiotNia.

MASMUR 115:15

Sai dipasupasu Tuhan ma hamu nian, sitompa langit dohot tano on!

MASMUR 124:8

Sian Tuhan do ro pangurupi di hita sian Sitompa langit dohot tano on.

MASMUR 146:6

Ia do na manompa langit, tano dohot laut maradu isina, na tontong setia ro di salolot ni lolotna.

MASMUR 24:10

Ise he Raja Na Marmulia i? Tuhan Na Markuaso, Ia do Raja Na Marmulia!

MASMUR 33:6

Dilehen Tuhan ma parenta, gabe adong ma langit, mataniari, bulan dohot bintang dijadihon hataNia.

MASMUR 36:6

HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

MASMUR 86:10

Dibaen na sangap do Ho, hahomangan do karejoMu, hum Ho do Debata.

JESAYA 37:16

“O Tuhan Na Markuaso, Debata ni Israel, na maringanan di ginjang ni angka mahluk na marhabong, hum sasada Ho do Debata na mamarenta di sude harajaan na adong di sisik ni tano on. Ho do na manompa langit dohot tano.

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

JESAYA 43:10

Hamu do angka saksingKu, ninna Tuhan. Hutodo ho gabe naposongKu, anso ditanda ho Au jana porsaya tu Au, jana na mangastui, bahaso Au do Tuhan. Sasada Au do da Debata, anggo Debata na asing nada unjung i adong, jana indangkan na adong i.

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 44:8

Ulang enek rohamu, ale bangsongKu; diboto ho do sian nahinan lalu tu saonnari, madung maralatan hian Au sanga aha na giot tarjadi; hamu ma na gabe saksingKu. Adong ma he Debata asing sian Au? Nada adong Dolok Batu na asing, na Hutanda!”

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

JUNUS 1:9

Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”

JOHANNES 10:30

Sada do Au dohot Damang.”

BAENON NI ANGKA RASUL 4:24

Dung dibege dongan ni halahi na masa i, rap martangiang ma halahi saroha tu Debata, ninna halahi ma, “O Tuhan, Ho do na manjadihon langit dohot tano dohot laut dohot sude pangisina.

PANGARATAION 10:14

Tuhan Debatamunu do nampuna langit na partimbo, tano on pe Ia do nampunasa, maradu sude na adong di ginjangna.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

PANGARATAION 6:4

Ingot hamu ma, angka dongan! Hum Tuhan, jana Tuhan sajo do Debatanta!

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 1:6

Tapi di na nisuru ni Debata AnakNia siangkaan i tu portibi on, didok Ia do, “Sude surusuruan ni Debata angkon manyomba tuSia.”

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”