NEHEMIA 9:32 - BIBEL JAMITA NA DENGGAN

³² O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

NEHEMIA 9:32 Iomraidhean Croise

1 RAJA-RAJA 8:23

lalu martangiang, “Ale Tuhan Debata ni Israel, di langit dohot di tano on, nada adong debata na songon Ho. Dipatulus Ho do janjiMu jana dipatidahon Ho do holongMu tu sude bangsoMu na sai burju jana mangoloi tu Ho sian nasa rohana.

2 RAJA-RAJA 15:19

Dompak ro si Pul raja ni Asur mamorangi Israel, dilehen si Menahem ma tusia 34.000 kilo perak anso diurupi ia pahotkon kuaso ni si Menahem di Israel.

2 RAJA-RAJA 15:29

Di hatiha ni si Pekah mamarenta, dirampas si Tiglat-Pileser raja ni Asur ma kota Iyon, Abel-Bet-Maaka, Janoah, Kedes, Hasor, Luat Gilead, Galilea dohot Naftali. Dioban ia muse ma halak kota i gabe taban tu Asur.

2 RAJA-RAJA 17:23

Lopus di ujungna nada diparrohahon Tuhan be halahi, tapi diambungkon noma halahi sian tano na nilehenNa di halahi. Tulus do i tarjadi laing songon na nipaingotkon ni Tuhan markite-hite angka naposoNia i, i ma angka panurirang. Songon i ma halak Israel dioban tu habuangan di Asur jana disi ma halahi tinggal lalu tu sadari on.

2 RAJA-RAJA 17:3

Diporangi jana dipapatu si Salmaneser raja ni Asur ma ia, lopus angkon manggarari pajak ia ganop taon tu Asur.

2 RAJA-RAJA 17:6

i ma muse taon pasambilankon dung mamarenta si Hosea, dirampas si Salmaneser ma Samaria. Dioban ia ma halak Israel gabe tabanan tu Asur. Dibaen ia ma deba halahi di kota Hala, deba di lambung ni Batang aek Habor na di Luat Gosan jana deba nari di angka kota na di Luat Madai.

2 RAJA-RAJA 23:29

Hona bunu ma Raja Josia di Megido di na kehe ia tusi mandapotkon si Neko raja ni Mesir na topet hatiha ro rap dohot tentarania laho mamorangi raja Asur na di topi ni Batang aek Efrat.

2 RAJA-RAJA 25:7

Dimatehon ma angka dakdanaknia di jolonia. Dung i dipulsikkon ma mata ni si Zedekia, dirante ma ia jana dioban tu Babel.

ESRA 4:10

dohot angka bangso na asing na hona angkat dibaen si Asnapar Na Godang jana na disuru maringanan na hot di kota Samaria dohot di angka kota na asing na di propinsi Efrat Hasundutan.

ESRA 4:2

Jadi gabe didapotkon halahi ma si Zerubabel dohot angka kapala ripe ni horong-horong, lalu diusulkon halahi ma, “Paloas hamu ma hami dohot mambangun Bagas Paribadatan i, harana hami pe na mangoloi tu Debatamunu i do, laing songon hamu ale angka dongan. Sai tongtong do hami pasahatkon haul tuSia mamungka sian na nioban ni si Esarhadon raja ni Asur hami tuson.”

ESRA 9:13

Madung mardosa hami maradopkon Ho jana hami langgar uhumMu, jana madung diuhum Ho hami. Tapi hami boto do, ale Debatanami, nada songon borat ni na patut jagitonnami uhuman na nilehenMu, dipalua Ho muse dope hami.

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

MASMUR 47:2

Angke na lobi sogen do Tuhan Na Gumincat i, Ia do raja godang na mangarajai sude na di portibi i.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 66:5

Ro ma hamu mangaligi angka pambaenan ni Debata, sumurung do antong homang ni roha di pambaenanNia maradopkon jolma!

HARURUAR 18:8

Dicaritohon si Musa ma sude tu si Jetro sanga na aha na nibaen ni Tuhan maradopkon raja Mesir dohot bangsona i laho paluahon halak Mesir. Laing dicaritohon ia ma dohot hamaolon na niadopan ni bangso i di tonga dalan, jana songon dia dibaen Tuhan paluahon halahi.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

DANIEL 9:4

Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.

DANIEL 9:6

Nada hami tangihon angka panurirang, angka naposoMi na mandok hata mangasahon goarMu tu angka rajanami, tu angka na markuaso, tu angka ompunami maradu tu sude bangsonami.

DANIEL 9:8

Dipambaeni angka rajanami, dohot angka na markuaso dohot angka ompunami do angka pangalaho na pailahon jana na mardosa tu Ho ale Tuhan.

HAMALIMON 26:18

Muda dung ditaon hamu sudena i, hape laing so dioloi hamu Au, Hutamba ma uhum tu hamu pitu lipat.

HAMALIMON 26:21

Muda sai torus dope aloonmunu Au jana nada dioloi hamu Au, tambaanKu dope uhum pitu noli lompit.

HAMALIMON 26:24

Au ma alomunu manguhum hamu pitu lompit umborat sian parjolo.

HAMALIMON 26:28

mardongan muruk aloonKu hamu. Dung i Huuhum hamu pitu noli dumokdok sian na parjolo i.

PANGARATAION 7:12

“Muda sai diparate-atehon hamu do angka parenta on, jana dihaburjuhon hamu mangoloisa, gabe setia muse ma Tuhan Debatamunu i tu parjanjian na nibaenNia dohot hamu. PatuduhononNia ma holong ni rohaNia na manongtong i tu hamu, songon na nijanjihonNia tu ompumunu.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

PANGARATAION 7:9

Ingot hamu ma! Sasada Tuhan Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.