NEHEMIA 9:30 - BIBEL JAMITA NA DENGGAN

³⁰ Sian taon tu taon sai sobar Ho paingotkonsa; marhite panurirang, didok TondiMu tu halahi. Hapengani ditutup bangsoMi do pinggolna, lalu dipasahat Ho ma tu angka bangso sude tanona.

NEHEMIA 9:30 Iomraidhean Croise

2 RAJA-RAJA 18:11

Dung i dioban raja Asur ma halak Israel gabe taban tu Asur; dibaen ia ma deba sian halahi di Hala, deba di lambung ni Batang aek Habor di Luat Gosan, jana na deba nari di angka kota na di Luat Madai.

2 RAJA-RAJA 21:10

Jadi gabe didok Tuhan ma marhite angka panurirang, angka naposoNa songon on,

2 JUJUR TAON 24:19

Disuru Tuhan ma angka panurirang laho manggorahon halahi anso mulak mangulahi tu Tuhan, hapengani nada ra rayat i manangihon.

ESRA 9:10

Hape saonnari, ale Tuhan Debata, dung sidung sudena i, aha be sidokkononnami? Madung hami pasiding mangulahi angka parentaMu,

NEHEMIA 9:20

Marhite kuasoMu na denggan i, diajar Ho do halahi. Mangan manna halahi jana minum aek tuk disi.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 95:10

Opat pulu taon honokna magigi Au paida-ida halahi, ningKu: Tutu ma antong bangso na so haposan halak on! Nada diampirkon halahi angka na Huparentahon.

JESAYA 28:10

Harana angkon on do angkon i, musti on do musti i, tamba on tamba i.”

JESAYA 42:24

Ise do pasahatkon Israel tu na mangarampassa? Tuhan sandiri do, tuSia do hita mardosa. Nada marguru tu parentaNia pardalan ni ngolunta, jana nada taihutkon pangajaranNia.

JESAYA 48:9

Hara ni goarKu, Huorom do murukKu, jana hara ni habonggalonKu Huhaholongi ho, hara ni i ma umbaen nada Hupangabis ho.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 25:4

Nada ra hamu manangihon sanga mamparrohahon, haru pe nian marpupu disuru Tuhan tu hamu angka panurirang, angka naposoNia.

JEREMIA 44:22

Nada tahan be Tuhan paida-ida pangalaho dohot pambaenanmunu na jahat i; hara ni i do umbahen na gabe lobu tanomunu, nada adong na mangingani lopus sadari on.

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

JEREMIA 44:5

Hape nada ra hamu manangihon jana nada diterge hamu. Nada ra hamu mantak mambaen na jahat, i ma na mamele i tu angka debata.

JEREMIA 7:25

Mamungka sian na haruar ompumunu sian Mesir lalu tu sadari on sai Husuru do angka naposongKu, angka panurirang tu hamu.

ANDUNG 2:17

Madung didalankon Tuhan sangkapNia i na dung dipaingotkon Ia tu hita na salpu i. Dilantuk Ia do hita nada adong ibo ni rohaNa, dilehen Ia hamonangan di musunta. Dibaen Ia halahi marjop ni roha paida-ida hadadabunta.

DANIEL 9:6

Nada hami tangihon angka panurirang, angka naposoMi na mandok hata mangasahon goarMu tu angka rajanami, tu angka na markuaso, tu angka ompunami maradu tu sude bangsonami.

ZAKARIA 7:12

Dipapir halahi do rohana lopus songon pir ni batu intan, anso ulang dibege halahi tona i dohot hata na nitongos ni Tuhan Na Markuaso marhite sian tondiNa, dohot marhite sian panurirang na jolo i. Hara ni i ma umbahen na ro rimas ni Tuhan.

ZAKARIA 7:13

Nada Hualusi tangiang ni halahi, harana halahi pe antong nada ditangihon halahi taran mangkuling Au ninna Tuhan Na Markuaso.

BILANGAN 11:26

Dua sian pamimpin na pitu pulu halak i si Eldad dohot si Medad, di parbandaran i do halahi tinggal, nada kehe halahi rap dohot na asing i tu Bandar Parmianan Ni Tuhan. Di parbandaran i ma mijur Tondi i tu halahi, halahi na dua pe mamungka ma sai pio-pio songon panurirang.

BAENON NI ANGKA RASUL 13:18

Sobar do Ia paida-ida pangalaho ni halahi opat pulu taon honokna di halongonan i.

BAENON NI ANGKA RASUL 28:25

Jadi morot be ma halahi sian inganan i marsioban pandapotna be, dung jolo didok si Paulus songon on, “Tutu ma na nidok ni Tondi Parbadia markite-hite Panurirang Jesaya tu angka ompumunu i!

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

1 PETRUS 1:11

Ditangkasi halahi do sanga na bia dohot andigan hamamasa ni na nidok ni Tondi Ni Kristus i, na adong di bagasan halahi. Dipaboa Tondi i hian do hatiha i tu halahi taringot tu angka parkancitan na angkon taonon ni Kristus dohot taringot tu hagodanganNia na giot ro dung salpu parkancitanNia i.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.