NEHEMIA 9:25 - BIBEL JAMITA NA DENGGAN

²⁵ Dirampas bangsoMi do angka benteng partahanan, tano na napu bope bagas na gok sinadongan. Inganan ni aek na nihalojahon ni halak, dirampas halahi kobun anggur, bona ni zetun dohot parbatu na asing i. Mamokmok halahi hara ni na mangan marroha-roha. Sandok na denggan na nilehenMu didaisa.

NEHEMIA 9:25 Iomraidhean Croise

1 RAJA-RAJA 14:9

Hape anggo ho, angka dosa na gumodang sian na nibaen ni na mamarenta di jolomu di dipambaeni ho. Ditadingkon ho do Au jana disungguli ho murukKu di na nibaenmu gana-ganaan dohot angka patung sian logam baen sisombaon.

1 RAJA-RAJA 8:66

Di ari pasalapankon diloas si Salomo ma marmulahan jolma i. Sude halahi mandok horas tusia lalu mulak be tu bagasna mardongan jop ni roha, hara ni pasupasu na nilehen ni Tuhan tu naposoNa si Daud dohot tu bangsoNa Israel.

NEHEMIA 9:35

Dipasupasu Ho do angka raja ni bangsoMu lopus makmur, dilehen Ho di halahi luat na bolak, tano napu. Hape nada ditadingkon halahi ngoluna na so ture i, umpe ra halahi mangoloi tu Ho bope maribadat.

MASMUR 105:44

Dilehen Ia di halahi tano ni angka bangso, suha ni haloloja ni halak gabe bangsoNia do nampunasa,

MASMUR 65:11

Hara ni denggan ni rohaMu, diparade Ho do sabion ganop taon; sanga tudia Ho kehe, dapot ma marlobi-lobi.

PODA 30:9

Harana, muda ompot kayo au, betak na gabe dokkononku do, na so porlu Ho di au. Jana muda marpogos au, betak na manangko ma au, jadi gabe hodar goarMu.”

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

JEREMIA 2:7

Tu tano napu Hutaruhon halahi laho mandai sude suha ni tano i. Hape dipahodar halahi do tanongKi disi diparsayang halahi do sinadonganKi.

JEREMIA 31:14

PapuasonKu ma angka malim dohot panganon na marlobi-lobi; jana lehenonKu sude haporluan ni bangsongKu. Au Tuhan, Au do na mandok songon i.”

JEREMIA 32:23

Tapi di na ro halahi tu luat on lalu mangarampassa, nada marpangoloion halahi tu angka parentaMu, jana nada mangihutkon pangajaranMu parngoluon ni halahi; sude na niparentahonMu tu halahi sada pe nada adong didalankon halahi. Hara ni i, gabe diparo Ho ma sude parmaraan on tu halahi.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

DANIEL 11:24

Porangannia ma angka tano na napu, nada jolo adong boa-boana. Baenonnia ma angka na so jungada dope dipatupa ompuna. Jadi bagi-bagihononnia ma tu angka na mangihutkon ia sude barang na dirampas dohot sinadongan na dapotnia di bagasan parporangan. Baenonnia ma mata-mata laho mamorangi angka inganan na marbenteng, tapi tibu do marujung hatihana.

HOSEA 13:6

Hape dung lalu hamu di tano na denggan jana butongan hamu lopus sombu, gabe ginjang ma rohamunu jana lupa ma hamu tu Au.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

PANGARATAION 3:5

Na nipatogu do kota i dohot angka tembok na gincat, pintu horbangan dohot goruk-goruk ni pintuna laho manutup angka horbangan i. Asing ni i adong dope bahat kota na asing na so martembok.

PANGARATAION 32:13

Tola ma halahi mangarajai partoran, di tano na marbatu inganan ni zetun martubuan. Panganon ni halahi do parbatu ni angka ladang minum aer ni loba harangan sian batu na marigang.

PANGARATAION 32:14

Dumenggan pahan-pahananna boti bahat susuna; gandum dohot aek ni anggur, i noma na dumengganna.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.