NEHEMIA 9:17 - BIBEL JAMITA NA DENGGAN

¹⁷ Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

NEHEMIA 9:17 Iomraidhean Croise

1 RAJA-RAJA 6:13

Maringanan ma Au di bagas na nipauliMi gabe tongtong Au di tonga-tonga ni bangsongKu Israel. Nada tinggalkononKu halahi.”

1 RAJA-RAJA 8:57

Sai Tuhan Debata ma donganta songon na dung didongani Ia ompunta, sai ulang ma ditinggalkon Ia hita.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

ESRA 9:9

nada ditadingkon Ho hami, gabe hasian ni angka raja ni Persia do hami dibaen Ho jana dipaloas hami mangolu dohot mambangun mangulahi BagasMon na tinggal gabe tapor-tapor i. Dilehen Ho do dihami parlinggoman dison, di Juda dohot di Jerusalem on.

NEHEMIA 9:31

Tapi hara ni holong ni rohaMu na so marparsuhatan, nada halahi ditadingkon Ho sanga dironcohon. Tutu ma da antong, Ho do Debata na so marpartudosan; na godang holong ni rohaMu, gok paribo ni rohaan!

MASMUR 106:13

Hape tibu do ale Tuhan, dihalupahon halahi pambaenanMu; nada mangido sipaingot halahi, di angka tindakanna.

MASMUR 106:7

Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

MASMUR 130:4

Hape diampuni Ho do hami, diarop rohangku do janjiNa.

MASMUR 78:10

Dilaosi halahi do parjanjian ni Debata dohot halahi, jana aturanNa nada dioloi.

MASMUR 78:11

Dihalupahon halahi do angka pambaenanNia, angka pangalaho na so haastuan roha na nipatangkasNia tu halahi.

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

HARURUAR 32:9

Didok hata ni Tuhan dope tu si Musa, “Madung Huida bangso on, jana satutuna do bangso na jogal rungkung halahi.

PODA 1:24

Madung hupiohon hamu jana huelek, hape dijua hamu do jana nada ra hamu manerge.

JEREMIA 18:15

Hape madung dihalupahon bangso i anggo Au, jana manutung dupa halahi tu gana-ganaan. Tartuktuk halahi di dalan narobi na angkon siboluson ni halahi, gabe manyimbil tu dalan na so dipahornop.

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEHESKIEL 5:6

Tapi madung ditulak Jerusalem na Huparentahon jana madung tangkas jumahat do ia sian angka bangso na asing, jana tumangkang dope ulang pado angka bangso na humaliang ia. Dilaosi Jerusalem do angka parentangKu jana nada ra mangoloi angka aturanKu.”

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

HAMALIMON 26:44

Tapi haru pe laing di luat ni musu halahi tinggal, nada tinggalkononKu sanga roncohononKu halahi. Angke muda Huroncohon halahi, na manggotapkon parjanjian do Au tu halahi, hape Au do Tuhan Debata ni halahi.

NAHUM 1:3

Nada mopop muruk ni Tuhan; lobi do kuaso diSia jadi sanga ise na marsala nada dipalua Ia sian uhumanNia. Sanga na di dia Tuhan mardalan, disi do ro halingsungsung; jana abuan ni patNia do ombun.

BILANGAN 14:11

Didok Tuhan ma tu si Musa, “Sadia honok nari aloon ni bangso on Au? Sadia honok nari tangkang halahi nada ra porsaya di Au, haru pe na dung bahat Hubaen hahomangan di tonga-tonga ni halahi?

BILANGAN 14:41

Tapi didok si Musa ma, “Biasi langgaronmunu dope saonnari parenta ni Tuhan? Nada adong guna ni karejomunu i!

BILANGAN 16:14

Madung tangkas, nada na giot obanonmu hami tu tano na napu, sanga pe mangalehen di hami angka ladang dohot kobun anggur gabe nampunanami, hape saonnari ditipu ho hami, nada ra hami ro!”

BAENON NI ANGKA RASUL 7:39

Hape haru songon i pe, laing nada ra angka ompunta i mangoloi ia. Ditulak halahi do ia jana giot mulak halahi tu Mesir mangulahi.

SURAT NI SI PAULUS TU PARLAGUTAN ROM 9:15

Angke didok Debata do tu si Musa, “PatuduhononKu ma denggan ni rohangKu sanga na tu ise giot patuduhononKu denggan ni rohangKi, jana patuduhononKu ma asi ni rohangKu sanga tu ise giotku patuduhononKu asi ni rohangKi.”

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.