NEHEMIA 9:16 - BIBEL JAMITA NA DENGGAN

¹⁶ Hape siginjang roha do ompunami boti na jogal roha, angka parentaMu nada ra halahi mangoloisa.

NEHEMIA 9:16 Iomraidhean Croise

2 RAJA-RAJA 17:14

Hape nada ditangihon Israel dohot Juda; na tangkang do halahi laing songon ompu ni halahi i na so porsaya tu Tuhan, Debata ni halahi.

2 JUJUR TAON 29:6

Nada setia angka ompunta tu Tuhan Debatanta jana dibaen halahi do na so pasonangkon rohaNia. Nada dirohahon halahi be Ia jana inganan parmiananNia i pe nada be dipardulihon halahi.

2 JUJUR TAON 30:8

Ulang pajogal roha hamu songon halahi i, tapi burju hamu mangoloi Tuhan. Ro ma hamu tu Jerusalem, tu Bagas Ni Debata na nihapunjungkon ni Tuhan Debatamunu diSia sandiri salolot-lolotna. Beta ma hita maribadat tuSia anso laing mombun ma da murukNia maradopkon hamu.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

MASMUR 106:6

Laing songon angka ompunami, hami pe madung mardosa, madung hami baen na jahat dohot na manggaga.

MASMUR 81:8

Tangihon hamu ma sipaingotKu, ale bangsongKu, Israel, sugari na tutu hamu ra manangihon Au!

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 32:9

Didok hata ni Tuhan dope tu si Musa, “Madung Huida bangso on, jana satutuna do bangso na jogal rungkung halahi.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 48:18

Sugari na burju ho mangoloi aturanKu so pola lalap, gabe mardalan ma pasupasu tu ho songon batang aek na so unjung mahiang. Hamonangan marroan ma tu ho songon ombak ni laut na so unjung maradian.

JESAYA 48:4

Huboto do ho sijogal roha, kapala batu, pir songon bosi.

JESAYA 63:10

Hape manggugai do halahi mambaen roha ni Tuhan gabe marsak. Jadi gabe musuNia ma halahi jana marporang mangalo halahi.

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 2:31

O hamu Israel, tangihon ma angka hatangKon. Unjung ma he Au songon padang halongonan maradopkon hamu, sanga songon tano na golap bulita jana na gok parmaraan? Hape biasi didok hamu sai na giot bebas hamu, jana nada ra be mulak mangulahi tu Au?

JEREMIA 7:26

Hape nada adong na manangihon sanga na mamparrohahon. Mur jumogal do rohamunu jana mur jumahat sian ompumunu.”

JEHESKIEL 5:6

Tapi madung ditulak Jerusalem na Huparentahon jana madung tangkas jumahat do ia sian angka bangso na asing, jana tumangkang dope ulang pado angka bangso na humaliang ia. Dilaosi Jerusalem do angka parentangKu jana nada ra mangoloi angka aturanKu.”

BAENON NI ANGKA RASUL 7:51

O hamu na jogal rungkung, bope na marroha dohot na marpinggol songon halak na so mananda Debata! Tongtong do dialo hamu Tondi Parbadia, songon ompumunu i, laing songon i do hamu muse.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

PANGARATAION 9:13

Didok Tuhan muse dope tu au, ‘Huboto do anggo bangso on na santak do jogal ni rohana.

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

PANGARATAION 9:6

Pos ma rohamunu, nada dipasahat Tuhan tano napu i tu hamu hara ni na tumbuk hamu manjagit. Nada! Bangso sijogal rungkung do hamu.

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.

IBRANI 3:15

On ma na tarsurat di Buku Na Badia i, “Muda dibege hamu sadari on sora ni Debata, ulang ma pajogal hamu rohamunu, songon jogal ni roha ni ompungmunu i di na mangalo halahi tu Debata.”