NEHEMIA 9:14 - BIBEL JAMITA NA DENGGAN

¹⁴ Angkon pestahonon ni halahi do Ari Sabat na badia, jana marhite si Musa dilehen Ho uhumMi.

NEHEMIA 9:14 Iomraidhean Croise

PAMUNGKAAN 2:3

Dipasupasu jana diparbadiai Ia ma ari papituhon i, dibaen di ari i ma dipasidung Ia karejoNia na manompa i, gabe maradian ma Ia karejo.

NEHEMIA 1:8

Ale Tuhan, ingot ma angka hataMu na niparentahonMu pajojoron ni si Musa mandok, muda nada setia hami bangso Israel tu Ho, sai na paserahonMu hami di tonga-tonga ni angka bangso na asing.

NEHEMIA 10:32

Ganop taon sumbangkononnami ma perak lima gram baen parbalanjoan di Bagas Ni Tuhan.

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 16:29

Ingot ma, Au, Tuhan, madung Hulehen di hamu sada ari anso maradian. Hara ni i ma da dibaen na Hulehen di ari paonomkon i sipanganon tu dua ari. Di ari papituhon i sude jolma angkon tinggal di bagas, ulang haruar.

HARURUAR 24:12

Dung i ninna Tuhan i ma tu si Musa, “Dapotkon ma Au tu dolok on dompak dison ho, anso Hulehen tu ho dua batu parningotan na marisi sude uhum na Husurat songon pangajaran di bangso i.”

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

JEHESKIEL 20:12

Husuru do halahi pasangapkon Ari Sabat songon tanda ni parjanjianKu dohot halahi, laho paingotkon halahi paboa na dung Huhapunjungkon halahi di Au, Au Tuhan mangkapunjungkonsa.

JEHESKIEL 20:20

Parbadia i ma Ari Sabat i na gabe tanda ni parjanjianKu dohot hamu, laho pasunggulkon tu rohamu paboa Au do Tuhan Debatamunu.’

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 27:34

I ma angka parenta na nilehen ni Tuhan di ginjang ni Dolok Sinai tu halak Israel marhite si Musa.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

PANGARATAION 4:45

Dilehen ia angka aturan tu halahi dung haruar halahi sian Mesir,

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’