NEHEMIA 8:9 - BIBEL JAMITA NA DENGGAN

⁹ Umbege Uhum na disise i, gok ma roha ni rayat i lalu martangisan halahi. Jadi gabe didok Gubernur Nehemia ma dohot Malim Esra Ahli Uhum i, maradu angka halak Levi na patorangkon Uhum i tu sude rayat i songon on, “Ari hapunjungan do ari sadari on di Tuhan Debatamu, jadi ulang hamu marsak sanga tangis.

NEHEMIA 8:9 Iomraidhean Croise

2 RAJA-RAJA 22:11

Di na nibege ni raja i isi ni buku i, disibak-sibak ia ma pakeannia hara ni marsakna.

2 RAJA-RAJA 22:19

Jana hara ni i gabe manyosal ho jana dipatoruk ho dirimu di jolongKu. Disibakkon ho do pakeanmu jana tangis ho tanda ni marsakmu di na nibegemu ancaman na Hudok giot manguhumi Jerusalem dohot halak na maringanan disi, jana mambaensa gabe panatapan na jorbut, jana goar ni Jerusalem gabe goar bura noma. Tapi madung Hutangihon tangiangmi.

2 JUJUR TAON 15:3

Lolot sajo do na so mangoloi Israel tu Debata na tutu, nada maruli pangajaran sian angka malim na laho mangajari halahi, jana nada tunduk tu angka uhum.

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

2 JUJUR TAON 34:19

Umbege isi ni buku i, disibakkon raja i ma pakeanna hara ni marsakna.

2 JUJUR TAON 34:21

“Kehe ma hamu marsapa tu Tuhan salaho tu au dohot salaho tu bangso i na tinggal dope di Israel dohot Juda. Tangkasi hamu ma salaho tu pangajaran na di buku on. Madung muruk Tuhan tu hita hara ni na so diihutkon angka ompunta hata ni Tuhan jana nada dipatulus halahi na didok di buku on angkon sipatuluson.”

2 JUJUR TAON 35:3

Laing dilehen si Josia ma parenta tu angka halak Levi na dung dihapunjungkon tu Tuhan, dohot na gabe guru-guru ni Israel. Didok ia ma, “Baen hamu ma Poti Parjanjian ni Tuhan na badia i di bagasan Bagas Ni Tuhan na nipajongjong ni Raja Salomo anak ni si Daud i. Ulang pola be paimbar-imbar hamunu i. Oloi hamu ma Tuhan Debatamunu i dohot halak Israel bangsoNa i.

ESRA 2:63

Dilarang gubernur ni Juda ma halahi mangankon sipanganon na dipasahat tu Debata, lopus adong sada halak malim na tarbaen mangido panogu-noguon marhite na mamake Urim dohot Tumim.

ESRA 7:11

On ma dokumen na nilehen ni Raja Artahsasta tu si Esra, sada halak malim dohot Ahli Uhum,

NEHEMIA 10:1

Na parjolo manekenna, i ma Gubernur Nehemia anak ni si Hakalya. Dung i diihutkon si Zedekia. Dung i ihutma angka halak na mangihut on jojor muse maneken:

NEHEMIA 12:26

Di hatiha ni si Joyakim anak ni si Jesua jana pahompu ni si Josadak dohot di hatiha ni Gubernur Nehemia dohot Malim Esra Ahli Uhum i do halahi mangolu.

NEHEMIA 7:65

Dilarang gubernur ni Juda ma halahi mangankon sipanganon na dihaulkon tu Debata, lopus adong sada malim na malo mangido panogu-noguon marhite na mamake Urim dohot Tumim.

NEHEMIA 7:70

Bahat do sian rayat i na mangalehen sumbangan laho panayangkon biaya ni na padenggankon Bagas Ni Tuhan i: Sian gubernur: – 8 kilogram sere 50 mangkuk upacara 530 juba ni malim Sian angka kapala ni horong: – 168 kilogram sere 1.250 kilogram perak Sian halak na asing-asing: – 168 kilogram sere 140 kilogram perak 67 juba ni malim.

NEHEMIA 8:2

Jadi dioban si Esra ma buku i tu adopan ni na marlagut i, i ma angka halaklahi, dadaboru dohot angka dakdanak na impas godang laho mangastui.

PARJAMITA 3:4

Adong do hatihana tangis dohot hatihana martata; hatihana mangandungi dohot hatihana manortor.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

HOSEA 4:6

Hamu angka malim nada parduli hamu di Au, gabe songon i muse ma bangsongKu nada parduli be tu Au, lopus marjaya halahi. Ditulak hamu do angka pangajaranKu. Jadi Au pe tulahonKu noma hamu, jana nada Huokui angka dakdanakmunu gabe malim di Au.

MALEAKI 2:13

On ma parbuatanmunu deba nari. Dilonong hamu do langgatan ni Tuhan dohot ilu ni mata, tangis do hamu jana mangandungi patunda ni na so ra be Tuhan manjagit angka haulmunu.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

SURAT NI SI PAULUS TU PARLAGUTAN ROM 7:9

Najolo mangolu do au di na so hutanda Tona i. Tapi dung ro angka parenta i, tarsunggul ma dosa i

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 26:14

Saotik pe sian haul parsampuluan i nada adong na hupangan di hatiha siluluton; sanga huoban tu ruar ni bagas dompak hodar au, jana saotik pe sian i nada adong na hulehen gabe pelean di halak na mate. Madung huoloi Ho, ale Tuhan; madung hupatulus sude na niparentahonMi taringot tu parsampuluan i.

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!