NEHEMIA 8:8 - BIBEL JAMITA NA DENGGAN

⁸ Diterjemahkon halahi ma Tona Ni Debata i jana dipatorang halahi anso laing mangarti rayat i di na disise i.

NEHEMIA 8:8 Iomraidhean Croise

2 RAJA-RAJA 23:2

lalu rap kehe ma halahi tu Bagas Ni Debata, diihutkon angka malim, angka panurirang dohot rayat sudena na pogos dohot na kayo. Di jolo ni halahi sude jongjong ma raja i di lambung ni pilar i, disise raja i ma gogo sude isi ni buku parjanjian na baru dapot i di bagasan Bagas Ni Debata.

ESRA 4:18

Surat na nitongoskonmunu i madung diterjemahkon jana disisehon tu au.

NEHEMIA 8:12

Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

NEHEMIA 8:7

Dung salpu i jongjong ma halahi di ingananna be, lalu adong ma sanga na piga halak Levi na patorangkon Uhum i tu halahi, i ma si Jesua, si Bani, si Serebya, si Jamin, si Akub, si Sabetai, si Hodia, si Maaseya, si Kelita, si Asarya, si Josabad, si Hanan dohot si Pelaya.

NEHEMIA 8:9

Umbege Uhum na disise i, gok ma roha ni rayat i lalu martangisan halahi. Jadi gabe didok Gubernur Nehemia ma dohot Malim Esra Ahli Uhum i, maradu angka halak Levi na patorangkon Uhum i tu sude rayat i songon on, “Ari hapunjungan do ari sadari on di Tuhan Debatamu, jadi ulang hamu marsak sanga tangis.

NEHEMIA 9:3

Hira-hira tolu jom lolotna disise ma tu halahi buku Tona Ni Tuhan, Debata ni halahi jana tolu jom nari halahi mangoku angka dosa ni halahi. Dung salpu i manungkap ma halahi jana marsomba Tuhan, Debata ni halahi.

JEHESKIEL 46:10

Angkon rap masuk do parkuaso rap dohot rayat i tu Bagas Ni Tuhan i jana parmulakna pe angkon rap do.

HABAKUK 2:2

Dialusi Tuhan ma tu au songon on, “Tangkas ma suratkon tu batu lei, sanga aha na Hupaboa tu ho, anso mura siseon ni angka na mamolus.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

LUKAS 24:32

Jadi ninna halahi ma sama halahi, “Nangkin di dalan i, i noma gurgur ni rohanta, di na nipajojorNia torang isi ni Buku Na Badia i tu hita!”

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.