NEHEMIA 8:17 - BIBEL JAMITA NA DENGGAN

¹⁷ Sude do rayat na mulak sian habuangan i mambaen undung-undung, lalu tinggal disi ma halahi. On ma na parjolo situtu dipamasa mamungka sian hatiha ni si Josua anak ni si Nun. Jadi sude do halahi sonang jana marjop ni roha.

NEHEMIA 8:17 Iomraidhean Croise

1 JUJUR TAON 29:22

Mangan minum ma halahi di ari i marmoga-moga di adopan ni Tuhan. Jadi laing dipadua noli halahi muse ma pabotohon na dung gabe raja si Salomo. Mangasahon goar ni Tuhan, dirasmihon halahi ma ia gabe raja ni halahi dohot si Zadok gabe malim.

2 JUJUR TAON 30:26

Ribur sajo do Jerusalem, harana mamungka sian hatiha ni Raja Salomo anak ni si Daud i, na so unjung dope masa tarjadi na songon on.

2 JUJUR TAON 35:18

Nada jungada be dipestahon Paskah na songon i mamungka sian hatiha ni Panurirang Samuel. Sada halak pe nada adong sian raja-raja na salpu i na jungada mamestahon Paskah i songon na dipestahon

2 JUJUR TAON 8:13

Mangihutkon uhum ni si Musa do dibaen ia pasahatkon angka haul i di ganop ari pesta: Di Ari Sabat, Ari Pesta Bulan Baru, dohot ari pesta na tolu siganop taon, i ma Ari Pesta Ni Roti Na So Marragi, Ari Pesta Paskah, dohot Ari Pesta Undung-undung Bulung Rata.

ESRA 3:4

Dirayahon halahi muse ma Pesta Undung-undung Bulung Rata, hombar tu paraturan; jana ganop ari dipasahat halahi ma haul na dung ditontuhon di ari i.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

PANGARATAION 16:15

Pitu ari honokna angkon hagodangkononmunu pesta on laho pasangapkon Tuhan di inganan paribadatan na sada i. Marjop ni roha ma hamu hara ni na nipasupasu ni Tuhan panen dohot karejomunu.

IBRANI 11:13

Di bagasan haporsayaan i, madung mate halahi sude. Nada dijagit halahi dopena janji i, tapi di tatap halahi do i sian na dao. Jadi pos jana jop do roha ni halahi marnidasa, jana dioku halahi do, bahaso pangaranto dohot paisolat do halahi di tano on.

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.

IBRANI 4:8

Sugari na dung dioban si Josua angka jolma i masuk tu inganan na giot lehenon ni Debata gabe paradianan ni halahi, tontu nada pola taringotan ni Debata be sada ari na asing.

JOSUA 1:1

Dung marujung ngolu ni si Musa naposo ni Tuhan i, mangkuling ma Tuhan tu wakil ni si Musa i ma si Josua anak ni si Nun.