NEHEMIA 8:12 - BIBEL JAMITA NA DENGGAN

¹² Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

NEHEMIA 8:12 Iomraidhean Croise

1 JUJUR TAON 29:22

Mangan minum ma halahi di ari i marmoga-moga di adopan ni Tuhan. Jadi laing dipadua noli halahi muse ma pabotohon na dung gabe raja si Salomo. Mangasahon goar ni Tuhan, dirasmihon halahi ma ia gabe raja ni halahi dohot si Zadok gabe malim.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

NEHEMIA 8:11

Laing diapoi halak Levi muse ma rayat i jana didok halahi ma marpupu, “Ulang hamu marsak di ari na marhapunjungan on.”

NEHEMIA 8:13

Ancogotna i marlagut ma angka kapala ni horong, angka malim dohot angka halak Levi, lalu kehe ma halahi mandapotkon si Esra laho marsiajar salaho tu angka pangajaran ni Uhum i.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

MASMUR 119:111

ParentaMu do pusako di au salolot-lolotna, na mambaen rohangku marmoga-moga.

MASMUR 119:127

Huhaholongi do angka parentaMu lobi sian sere na pita.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 119:14

Marjop ni roha do au hara ni angka parentaMu, songon na maniop sinadongan na bahat.

MASMUR 119:16

Gabe sonang do au dibaen hatontuanMu; nada huhalupahon pangajaranMu.

MASMUR 119:171

Sai giot pujionku do Ho tongtong, dibaen diajarkon Ho do tu au hatontuanMu.

MASMUR 119:174

Lungun sajo rohangku di haluaan na sian Ho, Tuhan, dilehen TonaMu do di au hatuaan.

MASMUR 119:72

Ummarga do di au TonaMu ulang pado sude sinadongan na di tano on.

MASMUR 119:97

Holong sajo do rohangku mida TonaMu, jana sai hupasari-sari do i sasadari.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

LUKAS 24:32

Jadi ninna halahi ma sama halahi, “Nangkin di dalan i, i noma gurgur ni rohanta, di na nipajojorNia torang isi ni Buku Na Badia i tu hita!”

SURAT NI SI PAULUS TU PARLAGUTAN ROM 7:18

Huboto do nian, na so adong sanga aha pe na denggan di bagasan diringku; i ma di bagasan bako na adong di au songon jolma na somal. Adong do nian hagiot ni roha di au, tapi nada mambaen na denggan.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.