NEHEMIA 8:10 - BIBEL JAMITA NA DENGGAN

¹⁰ Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

NEHEMIA 8:10 Iomraidhean Croise

1 RAJA-RAJA 8:66

Di ari pasalapankon diloas si Salomo ma marmulahan jolma i. Sude halahi mandok horas tusia lalu mulak be tu bagasna mardongan jop ni roha, hara ni pasupasu na nilehen ni Tuhan tu naposoNa si Daud dohot tu bangsoNa Israel.

1 JUJUR TAON 16:27

Hagodangan dohot hamuliaan do manutupi diriNa, kuaso dohot hamogaan do manggohi bagasNia.

NEHEMIA 8:11

Laing diapoi halak Levi muse ma rayat i jana didok halahi ma marpupu, “Ulang hamu marsak di ari na marhapunjungan on.”

NEHEMIA 8:12

Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

ESTER 9:19

I ma dalanna umbaen na tanggal opat bolas bulan Adar gabe ari jop ni roha di halak Jahudi na maringanan di angka kota na menek-menek na gabe ari pesta siriaon lalu marsipiringan silua na marrumang sipanganon.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

MASMUR 149:2

Marjop ni roha ma ho ale Israel hara ni na manompa ho; marmoga-moga ma ale halak Sion hara ni Rajamu.

MASMUR 89:17

Dilehen Ho do hamonangan na tarlobi di hami, hara ni hadenggananMu ma umbaen na monang hami.

PODA 17:22

Muda jop roha, sehat do pamatang. Muda gondok roha, marhancit ma badan.

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

PARJAMITA 3:13

Angkon mangan do hita sudena, minum dohot mangarasoi suha ni karejonta. Silehen-lehen ni Debata do i.

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 49:5

Saonnari songon on hata ni Tuhan, na manjadihon au mamungka sian bortian anso gabe naposoNa, laho paulakkon si Jakob tuSia, jana anso dipalagut Israel tuSia, hara ni i dipasangap ma au di jolo ni Tuhan, jana Debata ma gabe hagogoonku, didok Ia ma:

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JOEL 2:23

Ale rayat ni Sion, marjop ni roha ma hamu! Marmoga-moga jana marsurak-surak ma hamu, hara ni sude denggan basa na sian Tuhan Debatamu! Di hatiha musim gugur tuk dilehen Ia udan di hamu. Di musim ngali diduruskon Ia udan, dohot di hatiha ni sabion laing songon na salpu.

ZAKARIA 14:21

Sude hudon na adong di Jerusalem dohot na di Juda sudena hapunjungkonon ma i baen sipakeon di bagasan paribadatan tu Tuhan Na Markuaso i. Pakeon ni halak na manghaulkon haul ma i pangalompaan ni juhut sihaulkononna i. Muda dung dapot hatiha i, nada adong be parjagal di Bagas Ni Tuhan Na Markuaso i.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

2 KORINTUS 8:2

Na dung hona uji do halahi di angka hasusaan na borat situtu. Tapi di tonga-tonga ni hasusaan i pe laing marjop ni roha do halahi jana miduk do silehen-lehen ni halahi laho mangurupi halak na asing, haru pogos sajo pe halahi, tapi na mora do halahi di asi ni roha.

PILIPPI 3:4

Nian tarbaen au do marguru tu angka upacara i. Angke sugari adong halak na mandok di bagasan rohana tarbaen ia marguru tu angka upacara i ia, mur au ma.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”