NEHEMIA 8:1 - BIBEL JAMITA NA DENGGAN

¹ Di bulan pitu madung hot halak Israel maringanan di kotana be. Di tanggal sada bulan i marlagut ma halahi sude di Jerusalem, di alaman parjolo ni Pintu Horbangan Aek. Dipangido halahi ma anso dibuat Malim Esra Buku Uhum. Si Esra, i ma sada halak na ahli salaho tu Uhum na nilehen ni Tuhan tu Israel marhite si Musa.

NEHEMIA 8:1 Iomraidhean Croise

2 RAJA-RAJA 23:2

lalu rap kehe ma halahi tu Bagas Ni Debata, diihutkon angka malim, angka panurirang dohot rayat sudena na pogos dohot na kayo. Di jolo ni halahi sude jongjong ma raja i di lambung ni pilar i, disise raja i ma gogo sude isi ni buku parjanjian na baru dapot i di bagasan Bagas Ni Debata.

2 JUJUR TAON 34:15

Didok si Hilkia ma tu si Safan, “Dapot au Buku Tona Ni Tuhan di Bagas Ni Tuhan.” Lalu dilehen ia ma buku i tu si Safan,

2 JUJUR TAON 34:30

jana rap kehe ma halahi tu Bagas Ni Tuhan, didongani angka malim dohot halak Levi maradu sude rayat na pogos dohot na kayo. Di jolo ni halahi sudena, disise raja i ma gogo sude buku ni parjanjian na baru dapot i di Bagas Ni Tuhan.

ESRA 7:1

Dung martaon-taon muse, dompak si Artahsasta mamarenta gabe raja di Persia, adong ma sada bayo na margoar si Esra, sian pomparan ni Malim Godang Harun. Songon on ma langka ni sundutnia sian toru tu ginjang: Esra Asarya Hilkia

ESRA 7:10

Madung dipasada si Esra rohania tu na manangkasi Tona Ni Tuhan, laho patuluskonsa lalu mangajarkon sude hatontuan dohot paraturanna i tu bangso Israel.

ESRA 7:11

On ma dokumen na nilehen ni Raja Artahsasta tu si Esra, sada halak malim dohot Ahli Uhum,

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

NEHEMIA 12:26

Di hatiha ni si Joyakim anak ni si Jesua jana pahompu ni si Josadak dohot di hatiha ni Gubernur Nehemia dohot Malim Esra Ahli Uhum i do halahi mangolu.

NEHEMIA 12:37

Dung lalu di Pintu Horbangan Sampuran, mambelok ma halahi jana manganangkohi tangga ni Kota Ni si Daud, mamolus sian bagas godang ni si Daud, lalu mulak tu tembok na di Pintu Horbangan Aek na di Habincaran ni kota i.

NEHEMIA 8:16

Jadi markehean ma rayat i mangalap angka dangka ni hayu i. Marsibaen ma halahi sude undung-undung di tarup ni angka bagas na hornop di ginjang bagasna, di alamanna, di alaman ni Bagas Ni Tuhan, di tano lapang na di lambung ni Pintu Horbangan Aek dohot di tano lapang na di lambung ni Pintu Horbangan Efraim.

NEHEMIA 8:3

Dung i dibasahon si Esra ma Uhum i tu halahi sian manyogot lopus arian. Sude do halahi manangihon sian situtu ni rohana.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

HAMALIMON 9:5

Sude na nitonahon ni si Musa i, dioban halahi ma tu jolo ni Bandar Parmianan, lalu marlagut ma sude na bahat i disi laho manyomba Tuhan.

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 23:2

“Juguk do angka Siboto Surat dohot halak Parise, di juguhan ni si Musa.

MATEUS 23:34

Antong hara ni i parrohahon hamu ma jolo, tongosonKu ma angka panurirang tu hamu dohot halak na marroha dohot angka Siboto Surat. Angkon bunuonmunu deba sian halahi. Deba nari parsilangkononmunu. Adong ma i balbalonmunu di bagas paribadatan, kojar-kojaronmunu sian kota na sada tu kota na asing.

PANGARATAION 31:11

Sise hamu ma i tu halak Israel di na ro halahi marsomba tu Tuhan Debatamunu di sada inganan paribadatan na dung ditontuhon.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

HAKIM-HAKIM 20:8

Jadi rap jongjong ma angka halak na marlagut i disi mandok, “Sahalak pe sian hami na dison nada adong na mulak tu bandar sanga tu bagasna.