NEHEMIA 7:73 - BIBEL JAMITA NA DENGGAN

⁷³ Hot ma maringanan di angka kota dohot angka huta na di Juda, i ma angka malim, angka halak Levi, angka panjago horbangan ni Bagas Ni Tuhan, angka parende, sian angka rayat na somal, angka parkarejo di Bagas Ni Tuhan.

NEHEMIA 7:73 Iomraidhean Croise

2 RAJA-RAJA 7:10

Jadi gabe mulak ma halahi tu Samaria jana pio-pio ma halahi tu panjago ni horbangan ni kota i, “Ma kehe hami tu parbandaran ni halak Siria i, hape nada adong halak disi. Laing tambat do kudo dohot halode ni halahi hami dapot, jana angka bandar i madung ditadingkon halahi songon i sajo.”

1 JUJUR TAON 9:2

Na parjolo mulak sian halahi tu tano dohot kota ni halahi, i ma angka halak na bahat, angka malim, halak Levi dohot angka na markarejo di Bagas Ni Debata.

ESRA 2:70

Hot ma maringanan di Jerusalem dohot di angka kota na humaliangna i angka malim, angka halak Levi dohot deba sian rayat i. Angka parende, angka panjago horbangan ni Bagas Ni Tuhan dohot angka parkarejo di Bagas Ni Tuhan dohot angka halak Israel na deba nari i, di angka kota ni ompuna be najolo ma halahi hot.

ESRA 3:1

Di bulan pitu, madung hot angka halak Israel i maringanan di angka kotana be. Di tanggal sada laing di bulan i, marlagut ma halahi di Jerusalem,

NEHEMIA 11:3

Di angka kota na asing i, maringanan di tanona sandiri be do rayat ni Israel, angka malim, angka halak Levi, angka parkarejo di Bagas Ni Tuhan dohot pomparan ni angka pangoloi ni si Salomo di angka kota ni halahi be. Anggo halak Juda dohot Benyamin maringanan di Jerusalem do.